Kartutsnitt for planområde

Kvam heradstyre vedtok den 19.06.25, sak 053/25, reguleringsplan for Smiedalen og Brekkena. Planområdet er del av gnr 32 bnr 1, 7, 8, 429 m.fl.

Hovudføremålet er å leggja til rette for nye bustadar og tilhøyrande infrastruktur. Etter at planframlegget var på høyring gjorde Kvam heradsstyre nokre endringar i føresegnene.  Området BAA der det var mogleg å byggja terrassehus er no omgjort til til tomt for konsentrerte småhus med mellom 3-9 bueiningar. Føresegna om renovasjonsteknisk plan (RTP) er òg oppdatert med at ny RTP skal utformast saman med teknisk plan, og ta høgde for det reelle utbyggingsvolumet.

Vedtak om godkjend reguleringsplan er kunngjort på Kvam herad sine nettsider og i Hordaland Folkeblad den 15.08.25. Grunneigarar, festarar, tilgrensande naboar m.fl. er varsla om godkjend reguleringsplan pr brev.

For meir informasjon:

·       Saksutgreiing og vedtak, HST-sak 053/25

·       Plankart 20210001 (PDF, 663 kB)

·       Føresegner 20210001 (PDF, 279 kB)

·       Planomtale 

Alle registrerte dokument i reguleringssaka er lagra på arkivsak 21/13326

I Kvam herad sitt planregister finn du reguleringsplanen under fana «Gjeldende planer», PlanID: 20210001 og Plannavn: Smiedalen og Brekkena

Eventuell klage:

Heradsstyret sitt vedtak om godkjend reguleringsplan kan klagast på av den som er part eller har rettsleg klageinteresse, jf. Plan- og bygningslova §§ 12-12 og 1-9.

• Fristen for å klage er sett til 08.09.25. Jf. Plan- og bygningslova § 12-12 fjerde ledd, og forvaltningslova § 29 er klagefristen 3 veker frå det tidspunkt vedkomande part har motteke underretning om vedtaket
• Klagen bør vera kortfatta, presis og grunngjeven
• Klage skal stilast til Statsforvaltaren i Vestland, men leverast skriftleg til Kvam herad, Grovagjelet 16, 5600 Norheimsund / E-post: postmottak@kvam.kommune.no
• Evt krav om erstatning el. innløysing må setjast fram skriflteg for Kvam herad innan 3 år frå kunngjeringsdato av vedtaket, jf. plan- og bygningslova §§ 15-2 og 15-3. 

Du som har spørsmål el. ynskjer meir informasjon om reguleringsplanen kan ta kontakt med:

Trond Inge Brakestad Tlf: 56 55 31 81 E-post: trobra@kvam.kommune.no

Fellessekreteriatet Tlf: 56 55 30 00 E-post: postmottak@kvam.kommune.no