Som offentleg mynde er me forplikta til å behandla dine personopplysningar på ein lovleg og sikker måte.

Å behandla personopplysningar betyr å samla inn, lagra, registrera eller setta saman opplysninger om personar, som me treng for å kunna gje forsvarlege tjenester og god saksbehandling.

Denne erklæringa inneheld informasjon om kva personopplysningar me behandlar og korleis me behandlar og sikrar desse. Erklæringa inneheld og opplysningar om kva rettar ein har når heradet behandlar dine personopplysningar. 

Personvern handlar om retten til eit privatliv og retten til å bestemma over eigne personopplysningar. For å kunna tilby deg gode tenester og utøva myndigheit (gjera vedtak), må me ofte behandla opplysningar om deg.

Personopplysningslova har fleire grunnleggjande prinsipp for korleis me skal handtera dine personopplysningar. 

Personopplysningar skal 

• behandlast på ein lovleg, rettferdig og open måte
• samlast inn og brukast for bestemte og berettiga føremål
• vera begrensa til det som er naudsynt for å oppnå føremålet
• vera korrekte
• ikkje lagrast lenger enn det som naudsynt eller som følgjer av lov (lovpålagt)
• vera sikra mot uautorisert endring, sletting og/eller ulovleg behandling
   

Du kan lesa meir om dette på Datatilsynet sine nettsider.

Når me behandlar dine personopplysningar er me forplikta til å ha eit behandlingsgrunnlag etter personopplysningslova artikkel 6.1. 

Dersom me i tillegg behandlar personopplysningar som er i kategorien "særlege personopplysningar" (ofte omtala som personsensitive opplysningar) må me i tillegg ha eit behandlingsgrunnlag etter artikkel 9.2 i personopplysningslova.

Særlege kategoriar av personopplysningar er opplysningar om:

• rase eller etnisk opprinnelse
• politisk oppfatning
• religion eller filosofisk overbevisning
• medlemsskap i fagforeining
• genetiske eller biometriske opplysningar
• helse
• seksuelle forhold eller seksuell orientering

Rådmannen er øvste ansvarlege for behandling av personopplysningar i Kvam herad. Det daglege ansvaret er delegert til heradet sine einingsleiarar.

Avtalar om databehandling mellom Kvam herad og leverandørane regulerer kva informasjon leverandøren har tilgang til, og korleis han skal behandlast. Avtalane tek i vare personopplysningslova  og sikrar at praksis for behandling av personopplysningar er i samsvar med Datatilsynet sine tilrådingar.

Me behandlar personopplysningar om deg for å levera tenester i kommunen.

Når me behandlar personopplysningar, skjer det innanfor rammene av dei lover og forskrifter som regulerar våre oppgåver og plikter. Nokre av dei sentrale lovane (ikkje uttømande liste) er forvaltningslova, offentleglova, arkivlova, plan- og bygningslova, lov om helse- og omsorgstjenester, helseregisterlova, opplæringslova og barnehagelova, samt personopplysningslova.

Som oftast vil all behandling av dine personopplysningar i kommunen vera basert på at me har ei lovheimel som tillet behandlinga av dine opplysningar, men i nokre tilfelle kan kommunen behandla personopplysninger om deg basert på ditt samtykkje eller etter avtale med deg. Du vil i slike tilfeller bli informert om kva behandlinga går ut på og aktivt bli bedt om å samtykkja til behandlinga av dine personopplysningar. Du skal i utgangspunktet kunne trekkja samtykkjet ditt tilbake når som helst. 

Me vil så langt råd er unngå å bruka samtykkje som behandlingsgrunnlag, ikkje minst på grunn av det skeive maktforholdet mellom heradet og deg som innbyggjar. Det er frivilleg å søkja om ei teneste, men behandlingsgrunnlaget vil likevel som oftast vera heimla i ei lov eller forskrift. 

Les meir om samtykkje på nettsidene til Datatilsynet.

Me hentar først og fremst opplysningar frå deg direkte når du søkjer om kommunale tenester. 

Når me tilbyr lovpålagte tenester kan me, dersom det er naudsynt, henta opplysningar om deg frå andre offentlege myndigheiter, eller offentlege registre. Døme på slike registre er NAV, Folkeregisteret, skatteetaten og Kontakt- og reservasjonsregisteret (Digitaliseringsdirektoratet). 

Du har alltid rett på å få veta kor me hentar opplysningar om deg i samband med dine tenester i kommunen. Den einskilde kommunale verksemda skal opplysa deg om dette, til dømes i samband med at du søkjar om ei kommunal teneste.

Vanlegvis behandlar me kontakt- og identifikasjonsopplysningar som namn, fødsels- og personnr (heile eller berre fødselsdato), adresse, e-post og telefonnr. Dette vert behandla i samband med dei tenestene du som innbyggjar brukar, som til dømes barnehage, skule, byggjesak, renovasjon m.m.

Du kan lesa meir om dette på Datatilsynet si heimeside. Her kan du og lesa meir om kva som vert rekna som personopplysningar. 

Det er berre tilsette som jobbar med saken din, eller som har eit tjenestleg behov for å ha tilgang til personopplysningane dine, som skal ha tilgang til desse. 

Alle tilsette i heradet har lovbestemt taushetsplikt. 

Ved enkelte høve vert dine personopplysningar formidla til andre. Det kan vera NAV, Husbanken, andre kommunale etatar, eller andre me pliktar å gje informasjon til.

Opne og anonymiserte data kan verta delt til forsking, analyse og andre allmennyttige formål. 

Me lagrar dine personopplysningar så lenge det er naudsynt for det formålet som personopplysningane vart samla inn for. 

Dette betyr til dømes at personopplysningar som me behandlar på grunnlag av ditt samtykkje vert sletta om du trekkjer ditt samtykkje (sjå punktet: "Kva er det rettslege grunnlaget for behandling av dine personopplysningar?" der det står meir om samtykkje).

Når me behandlar personopplysningar for å oppfylla ei lovpålagt plikt, vert opplysningane lagra så lenge lovheimelen krev eller tillater det. 

Merk: Heradet vil som oftast ha ei lovpålagt plikt til å kunna dokumentera kva tenester me har gjeve deg, eller kva som er skjedd i saka di. I slike tilfelle vil det vera arkivlova, og andre relevante lover som bestemmer kor lenge me må/skal bevara desse opplysningane. 

Du har som hovudregel rett til informasjon om, og innsyn i opplysningar om deg sjølv.

• kva opplysningar som er lagra om deg
• kva opplysningane skal brukast til
• korleis kommunen har fått tak i opplysningane
• kven som har eller har hatt tilgang til opplysningane

Innsynsretten gjeld ikkje dersom:

• det er nødvendig å halda opplysningane hemmeleg pga. etterforsking av straffbare handlingar
• tilgang til opplysningane kan føra til livsfare eller alvorlig helseskade
• det ikkje er tilrådeleg av omsyn til dine familiemedlemmer og ditt forhold til dei
• i lov eller med heimel i lov er underlagt teieplikt
• personopplysningane berre vert brukt til intern saksførebuing og ikkje er levert til andre
• det vil vera i strid med openbare og grunnleggjande private eller offentlege interesser å informera om

• personopplysningane berre vert nytta til historiske, statistiske eller vitskaplege formål der behandlinga ikkje får noko direkte betyding for deg

Du kan òg be om innsyn i korleis kommunen behandlar personopplysningar generelt og om sikringsstiltak knytt til bruken av dine personopplysningar.

Du kan berre be om innsyn i personopplysningar om deg sjølv,
eigne barn under 15 år og personar du handlar på vegne av med fullmakt.

Kommunen kan ikkje krevja betalt for innsyn i personopplysningar.

Personopplysningsloven kap. 2 (Alminnelige regler for behandling av personopplysningar)
Rett til innsyn (Datatilsynet)
Personopplysningsloven kap 4 (Unntak frå retten til informasjon)
Forvaltningsloven §§ 18 – 18d (Parten sin rett til å gjera seg kjend med dokument i saka)
Helseregisterloven kap. 4 (Informasjon, innsyn, retting, sletting og sperring)
Pasient- og brukerrettighetsloven kap. 5 (Rett til journalinnsyn)

Kontakt kommunen om du ønskjer innsyn, vil endra, sperra eller sletta dei registrerte opplysningane om deg. Du må gje nok opplysningar til at kommunen kan identifisera deg. Blir ikkje opplysningane retta eller sletta, kan du be om at din kommentar blir registrert saman med opplysningane.

Kommunen har plikt til å svara deg raskt og seinast innan 30 dagar. Dersom me ikkje klarar å halda denne fristen, skal du få skriftleg melding med grunngjeving og opplysningar om når me forventar å kunna svara deg.

Om kommunen nektar deg innsyn i opplysningane, får du skriftleg svar med grunngjeving.

Ved avslag på innsyn har du høve til å klaga. Du kan òg klaga om kommunen avslår ønsket ditt om retting eller sletting av opplysningar. Klagefrist er tre veker frå du får kommunen si avgjerd. Du må grunngje klagen. Kommunen kan gje deg rettleiing om du har behov for det.

Send klagen til:
Kvam herad
Grovagjelet 16
5600 Norheimsund.

Du kan óg senda klagen elektronisk. Me ynskjer då at klagen vert sendt via eDialog. 

Kommunen vil vurdera om det er grunn til å gjera endringar. Dersom avgjerda ikkje vert endra, sender kommunen klagen din vidare til Statsforvaltaren (tidl. Fylkesmannen). 

Kommunen har plikt til å senda personopplysningar til deg på ein sikker måte. Sensitive personopplysningar skal ikkje sendast med vanlig ukryptert e-post.
Kvam herad brukar SvarUT.

Rett til informasjon og innsyn (Datatilsynet)

Om du oppdagar at me har registrert uriktige, utdaterte eller ufullstendige opplysningar om deg, kan du be om å få desse retta, sletta eller at dei vert oppdaterte. 

Personvernforordninga artikkel 16 visar til to formar for retting. Datatilsynet skriv på sine nettsider: 

Det første som står er at «uriktige personopplysninger» kan kreves «rettet». Dette må forstås som at opplysninger som objektivt sett er uriktige kan kreves erstattet med opplysninger som objektivt sett er riktige. Retting etter dette alternativet betyr i praksis at de «opprinnelige» opplysningene slettes.

Det andre som står er at «ufullstendige personopplysninger» kan kreves «komplettert». Retting etter dette alternativet må forstås som at den behandlingsansvarlige, på nevnte vilkår, har plikt til å dokumentere den registrerte sitt syn på opplysningenes riktighet. Dette alternativet er særlig egnet når personopplysningene er av skjønnsmessig karakter, og ikke kan bekreftes eller avkreftes ut fra objektive kriterier.

Du kan óg ha rett til å få sletta opplysningar om deg sjølv, men denne retten har avgrensingar. Det gjeld ikkje for opplysningar som er arkivpliktige eller når behandlinga er naudsynt for å kunna krevja eller forsvara rettskrav.

Du kan lesa meir om dette i personvernforordninga artikkel 17.

Kvam herad loggfører IP-adresser som besøker våre serverar, for å kunna utføre teknisk feilsøking. Datagrunnlaget vert ikkje nytta til andre formål, og forsøk på å identifisera enkelpersonar ut frå disse loggane skjer ikkje. Serverloggane vert sletta etter kort tid. 

Kvam herad nyttar statistikkverktøy for å berekna brukartal og trafikk på våre tenester. Det hjelper oss i arbeidet med å utvikla og forbetra tenestene våre på nett. Sjølv om statistikkverktøya varierer i grad av detaljering på data, så har ikkje me tilgang til rådata, berre oppsamla data som ikkje identifiserer einskildbrukarar. 

Du kan klaga til Datatilsynet dersom du ikkje er nøgd med korleis me behandlar dine personopplysningar, eller du meiner at behandlinga er i strid med personopplysningslova.

Om du meiner at me behandlar dine personopplysningar på ei ulovleg måte bør du ta kontakt med eininga som behandlar dine opplysningar, slik at me evt kan få vurdert om det er ei ulovleg behandling. Uavhengig av dette kan du likevel klaga til Datatilsynet. 

Informasjon om korleis du går fram finn du på nettsidene til Datatilsynet.

Kvam herad har ei lovpålagt plikt til å ha eige personvernombod. Desse tenestene kjøper me frå Bergen kommune. 

Personvernombudet skal syta for at kommunen behandlar personopplysningar i tråd med regelverk og god praksis. Ombodet kan hjelpa både tilsette og innbyggjarar med spørsmål knytt til personvern. 

Kontaktinformasjon til personvernombodet finn du her.

Du kan lese meir om oppgåver og plikter for ombodet på Datatilsynet sine nettsider

Formålet med vår bruk av cookies er å innhenta statistikk og informasjon om korleis våre brukarar bruker nettsidene våre, slik at me kan gje mest mogleg relevant informasjon, og ei best mogleg brukaroppleving av våre nettsider. 

Dersom du ikkje godtek vår bruk av «cookies», kan du gå inn og trekkja tilbake ditt samtykkje ved å endra innstillingane i nettleseran din. Du kan enten blokkera informasjonskapslar frå å bli lasta ned automatisk, eller at du får eit val om å lasta ned kvar enkelt informasjonskapsel. Informasjonskapslar som er blitt lasta ned tidligare kan òg slettast frå nettlesaren.

Vel du å blokkera informasjonskapslar kan det føra til at enkelte tenester på vår nettside ikkje fungerer optimalt, eller at du ikkje får tilgang til alle delar av vår nettstad.

For meir informasjon, sjå nettvett.no: Slik administrerer du bruken av administrasjonskapslar (cookies)