Det er krinsgrensene som regulerer kva som er nærskulen.
Søknader om byte av skule vert handsama av leiar for barnehage og skule ut frå Forskrift om byte av skule for grunnskulen i Kvam, vedteken av Kvam heradstyre 19.05.14.
Søknad om skulebyte skal sendast til Kvam herad v/leiar for barnehage og skule, Grovagjelet 16, 5600 Norheimsund.
Søknadsskjema i Word- og PDF-format:
Skuleskyss ved byte av skule
Utgangspunktet i Opplæringslova § 7-1 inneber at elevar har rett på skyss til den skulen som eleven til ei kvar tid går på, uavhengig av kva som er nærskulen. Hovudregelen kan fråvikast dersom byte av skule ikkje har samanheng med å sikra retten til opplæring. Dersom byte av skule er eit tiltak for å oppretthalda kontakt med venner eller letta praktiske tilhøve for føresette, vil ikkje byte av skule vera eit tiltak for å oppfylla retten til opplæring.I slik situasjonar kan det vera lov å stilla som vilkår at skyssen blir dekka av føresette.
Elevar som bur i andre kommunar, har ikkje rett til skuleplass i Kvam herad. Dersom ein elev som bur i ein annan kommune ynskjer skuleplass i Kvam herad , må eleven/foreldrene ta kontakt med bustadkommunen og søkja om refusjonsgaranti. Dersom bustadkommunen vil gi slik refusjonsgaranti kan kommunen ta kontakt med Kvam herad og be om skuleplass for eleven. Slike førespurnader skal rettast til leiar for barnehage og skule.
Hovudregelen er at Kvam herad ikkje inngår avtale om kjøp av skuleplassar i andre kommunar, fordi elevar som bur i Kvam herad har rett på skuleplass i heradet.I særlege tilfeller kan unntak blir vurdert.