1. Gå inn på kvam.friskus.com. Det er ei føremon å nytta nettlesaren Chrome.
2. Lag deg ein personleg brukarkonto gjennom å klikka på "Logg inn" oppe til høgre og følgja instruksane.
3. Gå inn på din profil og trykk på "Fritidskort".
4. Trykk på "Hent fritidskortet" og følg stega vidare.
          
5.  Velg organisasjonen du / barnet ynskjer å nytta Fritidskortet på, og trykk "Gå til arrangør".
6. Trykk på "Fritidskortet" til høgre under biletet til arrangøren. 
7. Trykk i den fyrste boksen (Fritidskort*) og vel fritidskortet du ynskjer å nytta.
8. Fyll ut fakturanummer og namnet til barnet.
9. Legg inn totalbeløpet på fakturaen.
10. Trykk på "Betal faktura". Dersom det er eit restbeløp, må dette betalast direkte til arrangøren.

Ynskjer du hjelp til å bruka Friskus, eller har spørsmål om Fritidskortet, kan du ta kontakt med fritidskoordinator på e-post (krisve@kvam.kommune.no) eller telefon (900 58 018). Ho hjelper deg gjerne over telefon, eller de kan få eit møte med henne. Du kan også ta kontakt med Friskus på support@friskus.com. 

Er du ungdom og tenkjer at du ikkje har råd til å starta med ein aktivitet, eller at du må slutta på noko du allereie er i gang med? Er du forelder og tenkjer at barnet ditt ikkje kan starta på ein aktivitet fordi at det vert for dyrt, eller du er redd for at du ikkje kan la hen halda fram? Då kan du ta del i ordninga Fritidskortet pluss! Ta direkte kontakt med fritidskoordinator Kristin Lundblad 

At nokon har høgare verdi på fritidskortet sitt, er ikkje synleg for andre. 

Oversikt over fritidsaktivitetar i Kvam finn du på kvam.friskus.com. Ta gjerne kontakt med fritidskoordinator Kristin Lundblad mail eller telefon 900 58 018 dersom du treng meir informasjon eller hjelp til å få oversikt. 

For å søkja om å få betalt attende pengar for kontingent som allereie er betalt, bruker du eit eige digitalt søknadsskjema.

Fristen for å søkja refusjon for hausten 2023 er 13.12.23.

Dersom du ikkje har personnummer, men D-nummer, kan du henta og bruka Fritidskortet på kvam.friskus.com.

Når du hentar Fritidskortet må du verifisera deg. Dette gjer du via ID-porten. Her kan du velja mellom MinID, Buypass eller Commfides.

Slik skaffar du deg elektronisk ID (link heile teksten): https://eid.difi.no/nb/id-porten/slik-skaffer-du-deg-elektronisk-id

Når du skal legge til Fritidskort for barnet ditt, oppgir du personnummer eller D-nummer til barnet. 

Frist for å betala med Fritidskortet i Friskus for hausten er 31.12.23. Fristen for å søkja om refusjon er 13.12.23. Refusjonssøknadane vert behandla manuelt etter søknad. Du finn skjemaet du treng  på knapp lengre oppe på sida.

1. Gå inn på kvam.friskus.com. Det er ei føremon å nytta nettlesaren Chrome.
2. Lag deg ein personlig brukerkonto gjennom å trykka "Logg inn" oppe til høgre, og følgja instruksane.
3. Trykk “Bli arrangør" øvst på sida, dersom de ikkje allereie har gjort dette
4. Gå inn på arrangørsida dykkar og trykk på “Fritidskortet”, og deretter "Koble til fritidskortet".
          
5. Fyll inn dykkar informasjon (og trykk deretter "Bekreft"):

• Kontonummer: konto der medlemmer betaler inn i dag
• Om de bruker KID eller ikkje
• Om ein må betale heile fakturaen i ein flyt
• Link: direktelink til medlemssystem i dykkar organisasjon (om de ikkje har dette, legg inn heimeside eller t.d. side på Facebook).
• Litt informasjon om pris og tilbud

• Det  skal vera vaksne tilgjengeleg der aktiviteten føregår
• Aktivitetane skal vera for barn og unge som er folkeregistrerte i Kvam og som er i alderen 6-18 år
• Barnet/ungdommen har rett til å prøva aktiviteten før dei betaler for den
• Trenarar / aktivitetsleiarar skal ha gyldig politiattest
• Kostnader for aktivitet bør ikkje auka ut over normal prisvekst
• Aktivitetstilbydarar skal kreva inn kontigent/deltakaravgift via eit fakturasystem dersom dei har over 50 medlemer.