Noverande anlegg på lokaliteten består av seks 120 meter ringar på to rekkjer i rammefortøyning med 80 x 80 meter ramme. Mellom anlegget og land er det plassert ein forflåte. Noverande anleggsplassering vart godkjent etter akvakulturregisteret 06.08.2010.
For å optimalisere drifta med omsyn til miljøtilhøve ynskjer Lingalaks å flytte rammene til eksisterende anlegg til eksisterande anlegg på Tveitnes i sørvestlig retning. Anleggsområdet vil verta utvida med 200 meter sidevegs og utover i fjorden. Selskapet søkjer no om å etablere eit anlegg beståande av åtte 160 meter ringar i rammefortøyning med 100 x 100 meter ramme. Det vert samtidig søkt om å leggja ein forflåte i nordvest mellom anlegget og land.
Det omsøkte arealet er sett av til akvakulturføremål i gjeldande kommuneplan for Kvam herad. Søknaden inneber ikkje kapasitetsauke. Produksjonskapasiteten på lokaliteten blir uendra, og vil framleis vera 2340 tonn.
Fullstendig søknad er å finne på Kvam herad sine nettsider www.kvam.kommune.no. via Kvam herad sin innsynsportal.
Spørsmål om søknaden kan rettast til samfunns og utviklingssjef i Kvam herad, Jon Nedkvitne, tlf 979 53 274.
Merknader til søknaden skal sendast til: Kvam herad, Grovagjelet 16, 5600 Norheimsund eller til postmottak@kvam.kommune.no.