Hovudføremålet med rullering av kommunedelplanen er å leggja til rette for heilskapleg og langsiktig utvikling av Kvamskogen som sikrar gode løysingar for utbyggingsområde, næringsutvikling, og å knyta saman områda med betre infrastruktur. Dette samstundes som at omsyn til friluftsområde og natur vert ivareteke. For meir informasjon vert det synt til planprogrammet. I planprogrammet har ein definert tre  hovudtema, der dei to fyrste punkta vil vera premissgjevande for punkt 3:

1. Natur, kultur, friluftsliv og landskap

2. Naturfare og klimaendringar

3. Utbygging og næringsaktivitet

Føremålet med eit planprogram er å klarleggja premissar og rammer for planarbeidet. Etter høyring og evt. justeringar skal planprogrammet vedtakast. Det fastsette planprogrammet vert lagt til grunn for utarbeiding av planframlegg med konsekvensutgreiing.

• Vedtak oppstart kommunedelplan og off.ettersyn planprogram, FSK-sak 118/21
• Framlegg til planprogram
• Arealstrategiar, vedtkene av Kvam heradstyre sak 122/20
• Områdeanalyse

Alle registrerte dokument på rullering av kommunedelplanen finn du her:

• Arkivsaknr 19/1371 - dokument registrert før 18.08.21
• Arkivsak 21/12071 - dokument registrert etter 18.08.21 

Ynskjer du å gje innspel planoppstart ?

For planarbeidet er det nyttig å få innspel om endra arealbruk og generelle tilhøve som innbyggjarar, grunneigarar, hyttefolk og andre er opptekne av.

Me ber om at fylgjande opplysningar kjem tydeleg fram av innspelet:

• Områdenamn el gnr/bnr
• Namn og E-post/tlf-nr på forslagstillar
• Dato for innspel
• Noverande planstatus
• Noverande arealbruk
• Ditt forslag til arealbruk
• Di vurdering av forslaget du sender
• Merk sendinga med KDP Kvamskogen

Innspel må leverast skriftleg til Kvam herad innan 04.05.22

• Adr:  Kvam herad, Grovagjelet 16, 5600 Norheimsund  el.  postmottak@kvam.kommune.no.

Mottekne innspel til planoppstart vil verta vurdert og vera del av grunnlaget for utarbeiding av framlegg til ny kommunedelplan for Kvamskogen.

Ynskjer du å gje merknad til planprogrammet ?

Kvam formannskap har vedteke framlegg til planprogram. Du har no høve til å gje din merknad til det.

Merknad må leverast skriftleg til Kvam herad innan 04.05.22

• Adr:  Kvam herad, Grovagjelet 16, 5600 Norheimsund  el.  postmottak@kvam.kommune.no.

Mottekne merknadar vil verta vurderte før planprogrammet vert lagt fram for endeleg avgjerd i Kvam heradstyre. Om det ikkje kjem inn vesentlege merknader er det venta at planprogrammet vert lagt fram for endeleg handsaming våren 2022. 

Konsulentfirmaet ABO Plan & Arkitektur skal på vegne av Kvam herad utarbeida planframlegget og elles bistå i planprosessen.

Kvam herad v/Leiv Ingmar Kaale held open kontordag på biblioteket i Norheimsund den 06.04.22 kl 10-14. I dette tidsrommet vil det vera høve for alle å stilla spørsmål om arbeidet med kommunedelplanen for Kvamskogen.

Kvam herad arrangerer ein dagskonferanse den 27.04.22, meir informasjon og påmelding vil verta lagt ut. Målet er m.a. at representantar frå ulike grupper/brukarar/mynde skal få presentera sine syn på utvikling av området. Målet er å samla folk på tvers av fagfelt – slik at alle kan få større innsikt i dei ulike interessene som skal balanserast ved utvikling/forvaltning av området.  

Når fristen for innspel til planprogrammet er ute (04.05.22), vil innkomne merknadar og innspel verta samanfatta og vurdert før planprogrammet vert lagt fram for endeleg politisk handsaming. Om det ikkje kjem inn vesentlege merknader er det venta at planprogrammet vert lagt fram for endeleg handsaming innan sommaren 2022.

Når framlegg til ny kommunedelplan for Kvamskogen er utarbeidd skal den godkjennast i Kvam formannskap før den vert lagt ut til off.ettersyn, jf plan- og bygningslova § 11-14. Deretter vil innspela frå høyringsrunden verta vurdert, og truleg vil det medføra det ei justering av planen. Til slutt skal kommunedelplanen leggjast fram for Kvam heradstyre for endeleg vedtak jf plan- og bygningslova § 11-15. 

Den 20. august 2025 var det arbeidsmøte i heradsstyret om kommunedelplanen for Kvamskogen. Turid Verdal og Aina Tjosås møtte frå ABO. 

Sjå presentasjonane under

Presentasjon arbeidsmøte om kommunedelplan (PDF, 492 kB)

Presentasjon arbeidsmøte ABO (PDF, 10 MB)