Det kan søkjast tilskot frå desse tilskotsordningane:
- Underskotsgaranti til konsertar, utstillingar, teaterframsyningar osv. Gjeld for frivillige lag/organisasjonar (med organisasjonsnummer ) i Kvam herad, og arrangement i Kvam
- Prosjektstøtte til gjennomføring av tidsavgrensa og lokalt forankra kulturtiltak ( ikkje innkjøp av utstyr, administrasjon, mat, lukka arrangement/medlemsaktivitetar eller dugnad). Det vert ikkje gitt tilskot til tiltak/prosjekt i regi av fylkeskommunale eller kommunale institusjonar eller kommersielle aktørar. Oppstartstilskot kan gjevast til kulturrelaterte tiltak.
- Utgjeving av lokalhistoriske bøker. Privatpersonar kan søkja
- Utgjeving av cd/musikk. Privatpersonar kan søkja
Ordninga omfattar prosjekt og tiltak som ikkje inngår i frivillige organisasjonar si ordinære drift.
Søknadsskjema/-frist
Søknad kan sendast heile året. Søknadsfrist er 1 månad før tiltaket/arrangementet skal gjennomførast.
Søknadsskjema er elektronisk
- Frivillige lag og organisasjonar og privatpersonar innan kulturfeltet i Kvam kan søkja tilskot
- Andre ikkjekommersielle kulturaktørar som samarbeider med lokalt frivillig kulturliv i Kvam herad kan søkja tilskot til samarbeidsprosjekt
- Ordninga gjeld ikkje kommersielle aktørar, fylkeskommunale/kommunale institusjonar og interesseorganisasjonar som ikkje er kulturrelatert
- Søkjar må ha organisasjonsnummer, og søknaden/tiltaket må vera forankra i styret i laget/organisasjonen, samt formålsparagrafen til laget
- Tiltaket/prosjektet må ha ei lokal forankring og gjennomførast i Kvam, og vera opne for alle
- Ordninga omfattar prosjekt og tiltak som ikkje inngår i frivillige organisasjonar si ordinære drift
- Gjeld underskotsgaranti ved kulturarrangement: Kulturelle lag og organisasjonar i Kvam kan søkja tilskot til arrangement i Kvam. Arrangementet må vera ope for alle ( ikkje ha aldersgrense), annonserast, ha eige budsjett, billettinntekter og arrangerast i regi av frivillige lag/organisasjonar i Kvam.
- Gjeld kulturtiltak/prosjekt: Lag og organisasjonar i Kvam kan søkja tilskot til kulturprosjekt og kulturaktivitetar/arrangement/samarbeidsprosjekt som er tidsavgrensa, har eige budsjett, kostnads- og finansieringsplan
- Tiltak for barn og unge vert prioritert
- Festivalar/konsertarrangørar kan søkja årleg driftstilskot. Det vert ikkje gitt tilskot til enkeltarrangement i tillegg til fast tilskot i budsjett.
- Kvam herad har ikkje støtte til idrettsarrangement
- Det vert ikkje gitt tilskot til fylkeskommunale eller kommunale institusjonar
- Gjeld bokprosjekt: Boka må ha lokalhistorisk verdi og lokal forankring
- Gjeld CD/musikk: Utøvarar frå Kvam som ønskjer etablera seg med eigen musikk kan få tilskot til første cd evt anna type musikkutgjeving. Musikk med lokal forankring og dokumentasjon av lokalhistorisk verdi kan og få tilskot
- Søknaden må innehalda alle nødvendige opplysingar, kostnads- og finaniseringsplan og beskriving av prosjektet
- Det vert ikkje gitt tilskot til planlegging, administrasjon, innkjøp av utstyr, mat, medlemsaktivitetar/lukka arrangement og utgifter til dugnad
- Dugnad må vera ein del av tiltaket, kr 300 pr dugnadstime
- Tiltak/arrangement som mottek kommunalt tilskot, må akseptera ledsagarbevis/følgjekort.
- Tilskot/underskotsgarantiar vert utbetalte etter innsending av rapportskjema
- Ved annonsering skal tilskot frå Kvam herad synleggjerast
Søknadene vert handsama administrativt etter delegasjonsreglementet i Kvam herad. Søknadene vert handsama som enkeltvedtak. Ein kan forventa svar på søknaden innan 1 månad
Tildelingskriterium
- Søknaden må vera fullstendig utfyllt og alle bilag det er krav om må vera innsende før utbetaling
- Kvam herad sitt budsjett er førande for tildelingane
Det er klagerett på vedtak, jfr Forvaltningslova §§ 28-29. Informasjon om klagerett vert sendt ut saman med vedtaket.
Rapportering
Tilskot vert utbetalt etter innsendt rapportering, seinast 2 månader etter tiltaket er gjennomført. Her finn du rapportskjema
Ved tilskot til lokalhistoriske bøker og cd-ar, må 2 eksemplar sendast Kvam herad før tilskotet vert utbetalt. Bøker og cd-ar vert samla i lokalhistorisk arkiv.
Anna
Arrangement/prosjekt som mottek kommunalt tilskot til må akseptera ledsagarbevis/følgjekort.
Ein kan forventa svar innan 1 månad etter innsendt søknad.
Tilbakebetaling: Dersom prosjektet vert avlyst eller vesentleg endra, kan heile eller deler av tilskotet verta krevd tilbakebetalt. Beløpet vert innkrevd gjennom varsel og faktura frå Kvam herad.