Kva tilbyr me?

• Utgreiing og behandling innanfor vårt kompetansenivå.
• Rehabilitering: Tidsavgrensa, planlagte prosessar med klare mål og verkemiddel. Fleire aktørar samarbeider om å hjelpa brukaren til sjølv å oppnå best mogeleg funksjons- og meistringsevne, sjølvstende og deltaking sosialt og i samfunnet.
• Hjå oss får rehabililteringspasientar fysioterapi 5 dagar i veka. I tillegg ligg det til rette for eigentrening. Avdelinga har ergoterapeut.
• Avlasting: Pårørande og omsorgspersonar som har særleg tyngjande omsorgsoppgåver for den pleietrengjande og treng avlasting for å avvikla ferie og fritid.
• Palliasjon  Me skal leggja til rette for å gje god symptomlindring, god pleie og omsorg for pasientar mot slutten av livet. Hjå oss har me sjukepleiarar med vidareutdanning i kreftomsorg og palliasjon.
• Øyeblikkeleg hjelp døgnopphald (ØDH). Tenesta er eit alternativ til innlegging i sjukehus for nokre pasientgrupper som kan få  eit like godt eller betre tilbod gjennom ØHD.  I Kvam har vi ei ØHD seng som er lokalisert på Kvam rehabilitering og behandlingsavdeling i Norheimsund. Innlegging i denne senga vert avklart av fastlege/legevakt i dialog med avdelinga.

Kven kan få tilbodet?

Rehabilitering:

Tilbod for vaksne over 18 år

• pasient må vera ferdig diagnostisert og ferdigbehandla av fastlege eller sjukehus
• det må vera klarlagt at pasienten i utgangspunktet har eit rehabiliteringspotensiale
• pasienten må vera kognitivt i stand til å gjennomføre trening etter instruksjon og vera motivert for stor eigeninnsats
• pasientens behov må samsvara med den kompetansen me til ei kvar tid har i avdelinga

Utgreiing og behandling:

Tilbod til pasientar som i eit avgrensa tidsrom treng:

• vidare behandling eller oppfylgjing etter sjukehusopphald 
• medisinsk behandling innanfor vårt kompetansenivå
• å avklara hjelpebehov eller omsorgsnivå etter akutt eller kronisk sjukdom for pasientar frå primærhelsetenesta i kommunen
• omfattande pleie eller omsorg         

Kva kostar det?

Korttidsopphald i institusjon- opp til 60 dagar pr kalenderår- kostar 185 kroner for døgnet (per 2023) . Dette inkluderer alle måltid, medisinsk behandling, medikament og fysio- og ergoterapitenester.  For opphald utover 60 dagar gjeld andre satsar. 

Slik søkjer du

Søknadsskjema

Meir om søknaden her.

Lover og reglar

Du kan lese om rettane dine her:

• Pasient og brukarrettighetslova § 2-1 a
• Helse- og omsorgstenestelova

Klage

Du finn meir informasjon her.