Forliksrådet er det lågaste nivået i rettssystemet for sivile saker. Det er både ein meklingsinstans og ein domstol, og har som hovudoppgåva å leggja til rette for at partane ved mekling eller dom får løyst saka si enkelt, hurtig og billig.
Alle kommunar har eit forliksråd. I Kvam treng med no fleire personar som kan påta seg å vera møtefullmektig. Ein møtefullmektig har i utgangspunktet i oppgåve å representera ein av partane som møtest for å verta samde i forliksrådet. Det er eit viktig verv, og eit verv den rette vil oppleva som meiningsfylt.
Kven kan vera møtefullmektig?
Du må vera over 25 år for å vera møtefullmektig, og under 70 år ved starten på valperioda. Du må også ha alminneleg god kunnskap om samfunnet og du bør ha noko kunnskap om forliksrådet si verksemd. I tillegg må du beherska norsk godt både skriftleg og muntleg.
Om du er ein vaksen og samfunnsinteressert person som ynskjer å bidra gjennom eit viktig verv ein gong i blant, kan dette med andre ord passa for deg.
Interessert?
Dersom du trur dette kan passa for deg, ta kontakt med politisk sekretariat. Send ein e-post til politisk.sekr@kvam.kommune.no med namn, telefonnummer og e-postadresse, så tek me kontakt.