Stenginga gjeld tidsrommet: onsdag 10. mai frå kl 18:00 til torsdag 11. mai kl 07:00.

Alle abonnentar i Øystese og Norheimsund blir bedt om tappe opp vatn til eige forbruk i forkant.  
Dette er ei anbefaling dersom uforutsette problem medfører at vatn kan blir borte.

Ein ber om at alle reduserer forbruk og tappar minst mogleg vatn i denne perioden.

Abonnentar i fylgjande område:

• Sandvenhagen (Brennehaugen)
• Øvre Norheim
• Tolomarka
• Valland
• Børve
• Øvre vavollen

vil få redusert vasstrykk og ein kan oppleva å bli utan vatn. 

Abonnentar som vil miste vasstrykk mottar eige sms-varsel via kommunen si varslingsteneste.
Abonnentar som får dette varselet må nytta opptappa drikkevatn eller koka vatn frå springen fram til ny melding vert sendt ut.

Når vatnet kjem att bør ein la det stå å renna i kaldtvasskrana ei stund.

Bakgrunn og informasjon om arbeidet som vert utført på hovudvassleidningsnettet

Kvam herad utfører nødvendig oppgradering av hovudvassleidningsnettet i Norheimsund og Øystese.

Arbeid på hovudvassforsyninga 28 april. GBS Entreprenør utfører gravearbeidet.

Arbeidet vert utført frå mars til og med juni 2023

Arbeidet er nødvendig å utføra for å ivareta forsyningsikkerheita til abonnentane.  

Viktige reduksjonskummar som har i oppgåve å sende riktig trykk ut på leidningsnettet skal skiftast ut ved «Storekrok» og «gamle bosstippen». Ved avkøyringa til Sjusete blir det montert nye avstengingsventilar. Frå vassbehandlingsanlegget på Skålheim og ned mot brua ved «gamle bosstippen» vert den gamle hovudvassleidninga bytt ut med ny leidning.

Under utføringa vert det behov for å stenge av vatn i fleire omgangar. Dette vil medføre at mange abonnentar kan oppleve redusert vasstrykk eller at ein blir utan vatn. Arbeidet er planlagt utført slik at færrast mogleg vil bli berørt av dette.

I Øystese er det bygd nytt høgdebasseng på Torpe som kan forsyne deler av Øystese under utføringa.

• Ved arbeid på hovudleidninga til Norheimsund må vassforsyninga gå via Øystese.
• Ved arbeid på hovudleidninga til Øystese er situasjonen omvendt.

Det er begrensa kapasitet på leidningsnett som går i vegen mellom Øystese og Norheimsund. Dette medfører at abonnentar som bur i høgareliggjande område på Børve, Vavollen, Valland, Tolomarka , Norheim og Sandvenhagen (Brennehaugen) kan oppleve å mista vasstrykk når vatn vert avstengt. Det er utarbeida risikovurderingar og planar som tek særleg omsyn til sårbare abonnentar.

Varsling om stenging av vatn vert sendt ut på SMS og varsla her på heimesida vår og på Kvam herad si Facebookside.

Institusjonar og sårbare brukarar vert varsla direkte.

Bilde frå nattarbeidet natt til 11. mai

Arbeid utført som planlagt! Ein viktig og komplisert operasjon blei utført i natt. Arbeidet vart utført med svært god hjelp frå Hordaland Rørteknikk og GBS entreprenør. Vatnet var tilbake ca kl 7 :00 11. mai.

Eventuellt spørsmål kan rettast til teknisk vakt, Kvam herad
Telefon: 56 55 34 00