Det overordna målet for tilskotsordninga er å sikra kulturminneressursane i regionen som vitskapeleg kjeldemateriale og grunnlag for nolevande og framtidige generasjonars oppleving, sjølvforståing, trivsel og verksemd.

Føremålet med tilskotsordninga er å minimalisera tapet av verneverdige kulturminne, gjennom å støtta kommunar som tek ansvar for å identifisere, verdsetje og forvalte verneverdige kulturminne i tråd med nasjonale og regionale mål. Ordninga skal stimulere til auka innsats på kulturminnefeltet og styrke vern av prioriterte kulturminne av lokal og regional verdi.

Tilskotsordninga gjeld for faste kulturminne i Kvam som er prioriterte i kulturminneplanen (den såkalla gule lista).

Søknadsfristen i Kvam er 24. januar 2023. Søknaden må innehalda kostnads- og finansieringsplan, informasjon om tiltaket og må merkast med saksnummer 23/79. Den kan sendast til postmottak@kvam.kommune.no eller per post: Kvam herad, Grovagjelet 16, 5600 Norheimsund. Kvam herad sender søknadane til fylket, innan den fylkeskommunale fristen 1. februar. For meir informasjon sjå vestlandfylke.no. 

Kontaktpersonar i Kvam herad er Jon Nedkvitne, sjef for samfunn, næring og kultur (tlf: 979 53 274, e-post: JONE@kvam.kommune.no) og Mary Ann Sørheim, kulturkonsulent (tlf: 954 07 710, e-post: MARS@kvam.kommune.no).