Søknadsfristen er 23. januar 2025. Eigarar av faste kulturminne i Kvam kan søkja, og kulturminnet må vera prioritert på "Gul liste" i Kvam herad sin kulturminneplan. Søknaden skal sendast Kvam herad.
Kvam herad sin kulturminneplan finn du her.
Det overordna målet er å sikre kulturminneressursane i regionen som vitskapeleg kjeldemateriale og grunnlag for nolevande og framtidige generasjonars oppleving, sjølvforståing, trivsel og verksemd.
Føremålet med tilskotsordninga er å minimalisera tapet av verneverdige kulturminne, gjennom å støtte kommunar som tek ansvar for å identifisere, verdsetje og forvalte verneverdige kulturminne i tråd med nasjonale og regionale mål. Ordninga skal stimulere til auka innsats på kulturminnefeltet og styrke vern av prioriterte kulturminne av lokal og regional verdi.
Varigheit
Tilskotet gjeld tildelingsåret og det påfølgjande året.
Kven kan søkje?
Kommunar i Vestland fylke og eigarar av regionalt verdifulle kulturminne registrert i kulturminnedatabasen Askeladden.
Det kan berre søkast om tilskot til faste kulturminne i Vestland som er
- prioriterte i kommunal kulturminneplan
- vurderte av fylkeskommunen som kulturminne av regional verdi eller interesse.
Kulturminne regulert til bevaring/omsynssone etter plan- og bygningslova vert prioriterte.
Søknadsfrist: 23.januar 2025
Søknad skal sendast Kvam herad, Grovagjelet 16, 5600 Norheimsund eller postmottak@kvam.kommune.no
Kvam herad sender alle innkomne søknader vidare til Vestland fylkeskommune, med frist 1.2.25.
Det er ikkje eige søknadsskjema.
Søknaden må innehalda ei beskriving av prosjektet, og kostnads- og finansieringsplan. Søknaden må merkast 25/140.
Kontaktperson:
Kulturkonsulent Mary Ann Sørheim, Tlf. 954 07 710
Informasjon om krav til søknaden og informasjon om ordninga i Vestland fylkeskommune