Bakgrunn
For få år sidan gjorde heradsstyret i Kvam herad vedtak på bygging av ny brannstasjon i Norheimsund. Dei gamle lokala i sentrum var i dårleg forfatning, og stetta ikkje krava til HMS for mannskap ved stasjonen.Kvam brann- og redningsvesen flytta vinteren 2023 inn i nye lokaler i Steinsdalen i Norheimsund. Laurdag 10. juni kl. 10 inviterer me endeleg til offisiell opning av brannstasjonen.
Den nye stasjonen har plass til bilar og utstyr, samt vaskehall. I tillegg er det kontorlokaler og møterom i 2. etasje. Dette kjem både brannmannskap og andre tilsette i Kvam herad til nytte.
Offisiell opning
Etter fleire månader med bruk vert stasjonen endeleg offisielt opna. Ordførar og rådmann er invitert og bekreftar at dei kjem. I tillegg kjem politistasjonssjefen i Kvam, samt representant frå Sivilforsvaret. Andre nøkkelpersonar som har vore med i prosessen av bygginga vil også vera tilstades.
- Under opninga vil brannbamsen Bjørnis vera tilstades. Han vil helse på borna, og dele ut gode klemmar til både store og små.
- Det vert også servering av kaffi og kake.
- Brannstasjonen vil vera open i nokre timar etter opninga dersom nokon ynskjer å sjå seg rundt.
- I tillegg vil Sivilforsvaret vise fram sine lokaler i den nye brannstasjonen.
Etter opninga vil brannbamsen Bjørnis reise ned i sentrum der det pågår trebåt- og handverksfestival. Her vil også brann- og redningsvesenet ha ein stand med formål å informere om brannvern.
Borna er velkomne til å få sjå på brannbilen.
Me håpar mange vil ta turen på opninga, og at me sjåast anten på brannstasjonen eller i sentrum!
____________
Program
Kl. 10 er det offisiell opning av brannstasjonen ved ordførar Torgeir Næss.
- Etter opninga vert det servert kaffi og kake.
- Omvising på brannstasjonen ut over dagen
- Brannbamsen Bjørnis kjem på opninga kl 10
Sivilforsvaret stiller også på opninga og vil gjerne visa fram sine lokaler.
Adresse: Steinsdalsvegen 110, 5600 Norheimsund.
