NM i yrkesfag vert arrangert av organisasjonen WorldSkills Norway. Bak organisasjonen står NHO, LO, Utdanningsdirektoratet, KS og ei rekkje landsforeningar, fagforbund, opplæringskontor, skular og fylkeskommunar.

Organisasjonen har ansvar for det norske yrkeslandslaget som annakvart år deltek i dei internasjonale konkurransane WorldSkills Competition (yrkes-VM) og EuroSkills (yrkes-EM). I tillegg arrangerer organisasjonen sjølv skule-NM kvart år og yrkes-NM annakvart år, i samarbeid med fylkeskommunane.

Ingrid Rykkje Jordalen vann fylkesmeisterskapet for helsefagarbeidarar i april, og kvalifiserte seg slik til NM. Der tok ho sølv, i knivskarp konkurranse med dei andre fylkesvinnarane. Ingrid har vore lærling i Kvam herad, og bestod fagprøven som helsefagarbeidar i mai.