Fleirtalet i formannskapet slutta seg med dette til framlegget frå Kvammabadet KF, grunngjeve med eit ynskje om å sikra grunnlaget for og drifta av den kommunale skulebadinga og anna idrettsverksemd.

Formannskapet si innstilling inneheld også følgjande vilkår: 

• Hardangerbadet Eigedom AS må minimum dekka 1 million av underskotet i Hardangerbadet AS for 2020, anten ved å ettergje gjeld eller ved å auka eigenkapital i selskapet.
• Kausjonistane som har garantert for eit mogleg underskot ovanfor Kvammabadet KF må innfri sitt kausjonsansvar for 2020 ved å utbetala garantibeløpet (til saman kr. 1 million) til Hardangerbadet AS. Ved ei slik utbetaling stadfester Kvam herad at kausjonsansvaret for 2020 er innfridd.
• Kausjonistane må seia frå seg sitt moglege regresskrav mot Hardangerbadet AS.
• Styret for Hardangerbadet må snarast leggja fram ein plan som viser at dei har tilstrekkeleg likviditet og får ei drift i balanse seinast i 2022.
• Heradsstyret føreset at Hardangerbadet AS leverer perioderekneskap og oppgåve over besøkstal annakvar månad i 2021.

Du kan sjå heile formannskapsmøtet i opptak i kommune-TV. Saklista finn du i innsynsportalen.