• Hardangerbadet Eigedom AS må minimum dekka 1 million av underskotet i Hardangerbadet AS for 2020, anten ved å ettergje gjeld eller ved å auka eigenkapital i selskapet.
• Kausjonistane som har garantert for eit mogleg underskot ovanfor Kvammabadet KF må innfri sitt kausjonsansvar for 2020 ved å utbetala garantibeløpet (til saman kr. 1 million) til Hardangerbadet AS. Ved ei slik utbetaling stadfester Kvam herad at kausjonsansvaret for 2020 er innfridd.
• Kausjonistane må seia frå seg sitt moglege regresskrav mot Hardangerbadet AS.
• Styret for Hardangerbadet må snarast leggja fram ein plan som viser at dei har tilstrekkeleg likviditet og får ei drift i balanse seinast i 2022.
• Heradsstyret føreset at Hardangerbadet AS leverer perioderekneskap og oppgåve over besøkstal annakvar månad i 2021.

Saka om deling av Øystese barnehage har også vore handsama i formannskapet. Rådmannen har rådd til å dela Øystese barnehage i to: Bjørketeigen barnehage og Sjydnahaugen barnehage. Ho rår også til at det vert oppretta eit investeringprosjekt med to delprosjekt; eitt for innvending oppgradering av Bjørketeigen med ei ramme på 1,5 millionar kroner, og eitt for tilbygg med ei ramme på 7,8 millionar kroner. Til saman vert det 9,3 millionar kroner, som i så fall må finansierast med låneopptak. 

Formannskapet har gjeve ei tilråding i tråd med rådmannen si innstilling, men saka vakte ein del debatt i formannskapsmøtet og fleire parti varsla at dei ville sjå nærare på saka fram mot heradsstyremøtet. Den kan du sjølv sjå på kommune-TV, eller du kan lesa meir i Hordaland Folkeblad.