Kvam herad søkte og fekk tilskot frå Bergen og omland friluftsråd (BOF) til friluftslivets år 2025, og har ein restsum kr 20 000 til fordeling i 2026.

Arrangørar (med organisasjonsnummer) /lag og organisasjonar i Kvam herad kan søkja tilskot til gjennomføring av friluftsarrangement i Kvam i 2026.

• Friluftsarrangementet må marknadsførast, vera gratis og ope for alle
• Det er ikkje søknadsskjema, men søknaden må innehalda kort skildring av tiltaket og kva ein søkjer tilskot til, samt budsjett. Merk søknaden med sak 25/559 og send til postmottak@kvam.kommune.no 
• Tilskot vert gjeve til transport, annonsering, innkjøp av utstyr, mat osb. til arrangementet. Det vert gjeve inntil kr 5 000 i tilskot.
• Privatpersonar kan ikkje søkja
• Frist for å søkja : Fortløpande inntil tilskotspotten er fordelt
• Tilskottet vert utbetalt etter innsending av rapport etter arrangementet er gjennomført.

Informasjon om ordninga: Leiar for kultur og fritid Mary Ann Sørheim 954 07 710