Kvam formannskap vedtok 14.03.2024 ein tilsynsstrategi for Kvam herad.
Vedtak
14.03.2024, HST- 022/24 Vedtak: Kvam heradsstyre vedtek tilsynsstrategien for Kvam herad. Ihht tidligare busjettvedtak ynskjer kvam frp med ei presisering til vedtaket. Kvam heradstyre ynskjer at det vert prioritert å førebyggja ulovlege byggjetiltak, særlig i strandsona. Det vil bli lagt vekt på god informasjon til innbyggjarane, slik at ein unngår å koma i konflikt med gjeldande planar og regelverk.
Byggesakshandsaming etter plan- og bygningsloven (pbl.) har som formål å sikre at byggetiltak vert i samsvar med lov, forskrift og planvedtak. Vidare skal loven sikra at det enkelte byggetiltak vert forsvarleg utført.
Plan- og bygningsloven gir i stor grad ansvaret for oppfølging av loven sine krav til dokumentasjon og teknisk utføring til tiltakshavar og ansvarlege aktørar i byggesaka. Byggesakshandsaming er dermed basert på tillit til aktørane. Sakshandsaminga skal legge til grunn dei innkomne opplysningane i saka, kontrollera at saka er tilstrekkeleg opplyst med omsyn til forvaltningslova § 17, samt sjekke ut at alle ansvarsområde er belagt med ansvarsrettar, jf. pbl. § 21-4.
For å oppnå sentrale målsettingar om kvalitet i bygg og forsvarleg utføring er det derfor viktig å følge opp at aktørane er seg sitt ansvar bevisst og jobbar systematisk med å kvalitetssikre arbeidet sitt, slik at dei føl lovgitte krav og løyver. Kommunen sitt tilsyn og oppfølging av ulovlege tiltak er nødvendig for å kunne avdekke og følge opp feil i byggetiltaka og ulovlegheiter i byggesaker og på eksisterande byggverk. Vidare er det av vesentleg betydning at avvik tilknytt byggesakene vert lukka (tilsyn) og at ulovlege tiltak vert følgd opp og retta (oppfølging av ulovlege tiltak), slik at byggesakshandsaminga ikkje mister sin funksjon.
Tilsyn og oppfølging av ulovlege tiltak slik loven legg opp til vil kunne vere læring for både byggenæringa og befolkninga. På sikt vil det vere arbeidssparande for alle partar, inkludert bygningsmyndigheitene. Eit fungerande system for tilsyn og oppfølging av ulovlege tiltak vil også virke haldningsskapande, og motvirke oppfatningar om at det er «lettare å få tilgiving enn løyve» i byggesaker.
Overordna målsetning for tilsyn og oppfølging av ulovlege tiltak i Kvam herad samanfattast etter dette slik:
- Bidra til å sikre god kvalitet på bygg og at tiltak vert gjennomførd i tråd med gitte løyver og gjeldande føresegner.
- Bidra til å skape haldningar for god byggeskikk og god kvalitet i bygg.
- Styrke respekten for regelverket og etterleving av dette i byggesaker.
Tilsynsstrategien til Kvam herad (PDF, 724 kB)