Utekontakten driv oppsøkjande arbeid på ungdomsskulane og Kvam vidaregåande skule, ved å vera tilstades i friminutt og periodar på dagen kvar veke. Utekontakten samarbeider med skulen og skulehelsetenesta.

Utekontakten driftar treffstaden Ungdomsbasen, ein uformell møteplass for aldersgruppa 13–20 år, som er open ein kveld i veka. Ungdomsbasen held til i Norheimsund i Ungdomshallen. Utekontakten er tilgjengeleg på telefon og for avtalar utanom opningstida.

Utekontakten har ei aktiv rolle på følgjande område

• Ferieaktivitetar for barn og familiar i regi av Ung fritid
• Deltek i det overordna fritidsfeltet i kommunen
• Arbeid og planverk til heradet innan førebyggjing om rus, kriminalitet og psykososiale utfordringar, mellom anna undervising til ungdom og foreldre, oppsøkjande arbeid ved sosiale arrangement i helg og høgtid.
• Prosjektarbeid som omhandlar medverknad frå ungdom. Ein samarbeider då med ungdomsrådet. Aktuelle prosjekt: Basecamp, Jentebase og Oppvekstkonferanse

Utekontakten marknadsfører tilbodet på sosiale media i tillegg til nettstaden til heradet.

Utekontakten er organisert i Familiesenteret, og har for tida to tilsette, i til saman 1,5 stilling. Ungdomsbasen engasjerer dessutan ungdomar som frivillige medarbeidarar, «Dozers».