Kvam herad må sikra at det er rett person dei handsamar opplysningar om, og treng difor informasjon som namn, adresse, fødsels- og personnummer for å ha oversikt og kontroll over at alle opplysningar er korrekte.

Vidare skal Kvam herad tilby grunnskuleopplæring slik opplæringslova krev, og må difor handsama personopplysningar om elevar og føresette. Når Kvam herad handsamar personopplysningar vil det til dømes seia at heradet samlar inn opplysningar, registrerer dei, set dei saman, lagrar dei eller leverer dei ut. Handsaminga av personopplysningar vert ført i protokoll. Ei lovpålagt oppgåve kan til dømes vera gjennomføring av nasjonale prøvar og eksamen.

Dersom Kvam herad skal handsama opplysningar som ikkje er lovpålagte, vil elevar og føresette verta informerte og kan gje samtykke til handsaminga. Eit slikt samtykke kan trekkjast tilbake når som helst. Dette kan til dømes vera samtykke til å dela bilete av eleven på skulen si heimeside.

Når Kvam herad skal tilby lovpålagte tenester til innbyggjarane, vert det henta opplysningar frå andre offentlege myndigheiter eller register dersom det er nødvendig. Døme kan vera Folkeregisteret. Du har alltid rett til å få vita kvifor heradet hentar ut desse opplysningane om deg. 

• Kontaktopplysningar som namn, adresse, telefonnummer og e-postadresse, fødselsdato og personnummer.
• Opplysningar som er knytt til dei tenestene du som innbyggjar nyttar, i dette tilfelle skule og eventuelt SFO.
• Opplysningar som fortel noko om relasjonar til andre, som til dømes kven som er føresett, søsken, namn på ektefelle, sambuar, barn og sivil status.

Døme
IST (administrativt fagsystem for skule) - personopplysningar vert henta frå Folkeregisteret. 
Personopplysningar i Feide – (lagra lokalt) (elevopplysningar)
Personopplysningar i Office 365 i Microsoft Norge

Følge denne lenka til utdanningsdirektoratet for å lesa meir om barn- og elevar sine personvernrettigheiter:

https://www.udir.no/regelverk-og-tilsyn/personvern-for-barnehage-og-skole/elevenes-rettigheter/

Personopplysningsloven og personvernforordninga (GDPR) styrer korleis personopplysningar skal handsamast. Lova krev mellom anna at heradet må ha eit rettsleg grunnlag for å handsama personopplysningar. Kvam herad handsamar personopplysningar for å kunna levera dei tenestene kommunen er pålagt mellom anna etter opplæringslova. 

Relevante lovverk for skulen:

Forvaltingsloven -reglar for sakshandsaming og rettar ein har som part i ei sak. Lov om behandlingsmåten i forvaltningssaker (forvaltningsloven) - Lovdata

Offentleglova -reglar for når dokument er offentleg for ålmenta. Lov om rett til innsyn i dokument i offentleg verksemd (offentleglova) - Lovdata

Arkivlova -reglar om mellom anna oppbevaring og lagring av dokument. Lov om arkiv [arkivlova] - Lovdata

Opplæringslova Lov om grunnskolen og den vidaregåande opplæringa (opplæringslova) - Lovdata

Lov om behandling av personopplysningar (personopplysningsloven) Lov om behandling av personopplysninger (personopplysningsloven) - Lovdata