Postliste
Postlista inneheld innkomande og utgåande dokument, notat og vedtak. Kvam herad praktiserer openheit, og publiserer dokumenta i fulltekst. Dette gjeld ikkje dokument som med heimel i lov er unnateke offentlegheit.
I nokre tilfelle vert dokument, sjølv om dei ikkje er unnateke offentlegheit, ikkje publisert. Desse dokumenta er merka med «Ikkje publisert på offentleg postliste». Om ønskjeleg må du be om innsyn i desse dokumenta.
Dokumenta vert normalt publisert på postlista 2 verkedagar etter at dokumenta er journalført. Dette er for at dokumenta først skal kontrollerast for å sikra at opplysningar som ikkje er offentleg, til dømes personopplysningar, ikkje vert publisert.
Unntatt offentlegheit
Dokument unnateke offentlegheit med heimel i lov, vert ikkje publisert på postlista. Det gjeld til dømes dokument i elevmapper, barnemapper og personalmapper. Dokument frå verksemdspesifikke fagsystem, som mellom anna helse- og omsorgstenester og barnevern, vert heller ikkje publisert.
Ønskjer du innsyn?
Du har som hovudregel rett til innsyn i alle dokument som ligg til grunn for vedtak som gjeld deg. Dokument som ikkje er skjerma kan du søkja etter her på nettsida.
Ønskjer du å lesa eller få kopi av skjerma dokument som gjeld deg eller di sak, kan du bruka dette skjemaet: Søknad om innsyn i sak eller dokument.
Du kan òg senda krav om innsyn til vårt postmottak på e-post: postmottak@kvam.herad.no
- Send ikkje førespurnad per e-post dersom den inneheld personsensitiv informasjon.
Kvam herad behandlar innsynskrav etter gjeldande lover. Dersom du ikkje får svar på eit innsynskrav innan 5 verkedagar etter at heradet har motteke førespurnaden, vert den rekna som avslått, og du har rett til å klaga.
Frist for å klaga på vedtak er 3 veker frå du fekk melding om vedtaket. Klagen må vera sendt eller levert Kvam herad innan klagefristen.
Lover og reglar