Det har tidlegare i år vore opplyst om datainnbrotet i nasjonale og lokale media. Innbrotet har ført til at kundedata har vorte stole. 

Kvam herad råka 

Telia Norge AS har identifisert at informasjon om vår verksemd som ligg i bestillingsskjema for deira datakommunikasjonstenester, er råka. Dette kan vera informasjon som adresser, kontaktpersonar på lokasjon, tenester og LAN IP adresser. Telia analyserer innhaldet fortløpande og vil koma tilbake til Kvam herad dersom dei skulle finna annan informasjon om vår verksemd i materialet. 
 

Preventive tiltak hjå Telia 
Teila Norge AS har informert oss om at det er ingen indikasjonar på at nettverkskomponentar har vorte eksponert, men at dei har gjennomført ei rekkje preventive tiltak:  

• mellom anna bytte av brukarnamn og passord på alle nettverkskomponentar 
• gjennomgang av aksesslister 
• bytte av krypteringsnøklar  
• utvida monitorering 

Vidare opplyser Telia at dei tar datainnbrotet på største alvor, og beklagar sterkt hendinga. Saka er no politimeldt og under etterforsking. Datatilsynet og Nasjonal kommunikasjonsmyndighet (NKOM) er også varsla.  

Kvam herad vil i løpet av dagen melda seg som part i saka til politiet og Datatilsynet. For ytterlegare informasjon om datainnbrotet, viser me til Telia Norge AS.  

Lenkje til Telia sin informasjon om datainnbrot.

Tilsette hjå oss er informert om å vera særskilt merksame på målretta forsøk på svindel.