I samsvar med plan- og bygningslova § 12-8 vert det med dette meldt at Geoplan AS skal, på oppdrag for Vetlestien AS, utarbeide ein detaljreguleringsplan for eigedom gnr. 33 bnr. 195 m.fl. på Valland i Norheimsund, Kvam herad.

Området er regulert til bustadføremål i gjeldande reguleringsplan, og ligg mellom fv.79 og jordbruksområder nytta til fruktdyrking. Føremålet med detaljreguleringsplanen er å leggje til rette for næringsverksemd og tilhøyrande infrastruktur, i tillegg til å løyse tilkomst til bustaden på eigedom 33/3 i bakkant. Arealføremålet er i tråd med overordna plan, der arealdelen til gjeldande kommuneplan for Kvam viser at området er regulert til næring. Reguleringsplanen vil erstatte gjeldande detaljreguleringsplan for området, 1238 20150003 Bustader på Valland, og deler av reguleringsplan 1238 20100006 Skipadalen-Norheimsund. Planområdet har ein storleik på om lag 14 daa, og er avgrensa som vist på kartskisse.

Planen er ikkje i strid med overordna plan og utløyser ikkje krav om konsekvensutgreiing, jf. KU-forskrifta §§ 3-5.

Kartskisse med planområde (PDF, 218 kB)

Innspel som kan ha innverknad på, eller vere av interesse for planarbeidet, skal sendast Geoplan AS, Sandvenvegen 17, 5600 Norheimsund, eller via e-post; post@geoplan.no. Spørsmål rettast til Geoplan as på tlf. 56 55 62 33. Alle innspel vil verta vurdert og lagt ved planframlegget når det vert sendt til Kvam herad for handsaming.

Frist for innspel til planarbeidet er sett til 17.01.2020.