Kvam herad har starta arbeidet med å laga ein kommunedelplan for oppvekst for åra 2023-2033. Målet med planen er at alle barn og unge i Kvam skal ha eit trygt og godt oppvekstmiljø.
På møtet vert det gjort greie for innsatsområda i planen, framdriftsplan og opplegg for medverknad. Det vert lagt opp til innspel og spørsmål i møtet, som er ope for alle interesserte.
Oppdatert informasjon om smitteverntiltak vert lagt ut på heimesida til kommunen i forkant av møtet. Planprogrammet vart vedteke av heradsstyret 9. desember 2021, og kan lesast i Framsikt.
Spørsmål om møtet og om oppvekstplanen kan rettast til Ingunn Hildonen Teigland, ingtei@kvam.kommune.no, tlf 482 76 813.
Smittevern
Desse reglane gjeld for det opne møtet om oppvekstplanen måndag 17. januar:
- Møtedeltakarane må bruka munnbind
- Me oppmodar møtedeltakarane til å registrera namn og telefonnummer når dei kjem. Dørene er opne frå 17.30 slik at me har god tid til registrering.
- Det må vera eitt ledig sete mellom kvar møtedeltakarar. Møtedeltakarar frå same kohort kan sitja saman.
- Hald deg heime viss du har symptom på luftvegssjukdomar.
Møtet er i multisalen på Kvam ungdomsskule frå klokka 18 til 20. Vel møtt!