Om du skal arrangera ein dans, pub, brudlaup eller jubileum o.l. med sal av alkohol i eit ungdomshus eller anna offentleg lokale, søkjer du om skjenkeløyve for eit einskild høve. Dette løyvet gjeld berre for eitt arrangement og er avgrensa i tid. Det er litt mindre krav til eit einskildløyve enn ved faste løyve.

Skal du opna ein serveringsplass som t.d. ein pub, og ynskjer å ha eit fast løyve som gjeld for ein lengre periode, skal du søkja om fast skjenkeløyve. 

Ambulerande løyve vert ikkje gjeve i Kvam. Dette er eit løyve som har strenge reglar knytt til lukka lag, som ofte kan vera vanskeleg å følge slik lova set krav om. Difor har Kvam vald å leggja inn eit nivå i søknad om einskildhøve som skal dekkja det som hadde vore gjeve som eit ambulerande løyve i andre herad.