For å få løyve til å servera mat og skjenkja alkohol, må dagleg leiar bestå etablererprøven.

Kven kan ta prøva?

Alle som ynskjer det, kan ta etablererprøva. Den som skal vera dagleg leiar på ein serveringsplass må ha bestått etablererprøva, og ha fylt 18 år.

Kva er pensum?

Boka «Læremateriell - Etablererprøven for serveringsvirksomheter» er pensum. Boka kan kjøpast hjå VINN.

Kva kostar det?

Det kostar 400 kroner. 

Kvar tar du prøven?

På rådhuset i Norheimsund, Grovagjelet 16. Du kan også ta prøva i andre kommunar.

Gjennomføring av prøven

• Du kan ta prøva etter avtale med eining for alkohol og servering.
• Ta med gyldig legitimasjon: pass, førarkort eller bankkort med bilete.
• Prøva er ei fleirvalsprøve på 90 minutt. Du må svare rett på 40 av 50 spørsmål.
• Prøva vert avlagt på norsk. Det er ikkje høve til å ha med tolk eller nytta ordbok. Det er tillate å bruka lovsamling som me har til utlån.

Tilrettelegging ved særskilde behov

• Dyslektikarar kan avlegge etablererprøva munnleg.
• Er du svaksynt, har lammelsar, nedsatt høyrsel eller andre utfordringar tilrettelegg me så langt det lar seg gjera. Dette må avtalast på førehand ved å sende ein e-post til nilbol@kvam.kommune.no. 

Kor mange ganger kan du ta prøven?

Du kan ta prøva på nytt heilt til du består. Det kostar 400 kroner kvar gang.

Utferding av prov

Alle som består etablererprøva, får eit prov, som det er viktig å ta vare på. Dette er dokumentasjon på at du har naudsynt kunnskap om serveringslova. Provet er gyldig på ubestemt tid

Det er to ulike kunnskapsprøver. ei for salsløyve og ei for skjenkjeløyve.

Kven kan ta prøvene?

Alle som ynskjer det, kan ta kunnskapsprøvene. Den som skal være styrar eller stedfortredar på ein plass med sals- eller skjenkjeløyve, må ha bestått kunnskapsprøva og ha fylt 20 år.

Kva er pensum?

• Pensum for salsløyve: Kunnskap om kapittel 1, 3, 7, 8 og 9 i alkohollova og kapittel 1,  2,  3,  5,  6,  8,  9,  10,  11 og 14 i alkoholforskrifta.
• Pensum for skjenkjeløyve: Kunnskap om kapittel 1, 4, 5, 7, 8 og 9 i alkohollova og kapittel  1,  2,  4,  5, 6,  8,  9,  10,  11 og 14 i alkoholforskrifta.

Boka «Kunnskapsprøven i alkoholloven» inneheld det du treng å vite før du gjennomfører kunnskapsprøva i alkohollova. Boka kjøper du hjå VINN.

Kva kostar det?

Det kostar 400 kroner. 

Kvar tek du prøvene?

På rådhuset i Norheimsund. Du kan òg ta prøvene i andre kommunar. 

Gjennomføring av prøva

• Du kan ta prøva etter avtale med eining for alkohol og servering.
• Ta med gyldig legitimasjon. Det er pass,  nasjonalt ID-kort, førarkort eller bankkort med bilete.
• Prøva er ei fleirvalsprøve på 60 minutt. Du må svara rett på 24 av 30 spørsmål.
• Prøva vert avlagt på norsk. Du kan nytta ordbok, men det er ikkje høve til å ha med tolk.

Tilrettelegging ved særskilde behov

• Dyslektikarar kan avleggja prøva munnleg.
• Er du svaksynt, har lammelsar, nedsett høyrsle eller andre utfordringar, tilrettelegg me so langt det let seg gjera. Dette må avtalast på førehand ved å senda ein e-post til nilbol@kvam.kommune.no. 

Kor mange gonger kan du ta prøva?

Du kan ta prøva på nytt heilt til du består. Det kostar 400 kroner kvar gong.

Utferding av prov

Alle som består kunnskapsprøvene, får eit prov som det er viktig å ta vare på. Dette er dokumentasjon på at du har naudsynt kunnskap om alkohollova. Provet er gyldig på ubestemt tid.