Rapportering

I appen og nettsida settogskutt.no kan jegar føra opp hjort som er observert i innmark og utmark. Skoten hjort skal rapporterast inn. Dette kan du gjera i appen eller nettsida, eventuelt må det gjerast skriftleg og sendast til valdansvarleg i valdet. Me oppmodar alle om å registrera sjølv i appen. Om du treng hjelp til å føra i «sett og skutt», kan du ta kontakt med heradet for rettleiing eller lesa om det på hjorteviltregisteret.no

Vektregistrering og sette dyr

Me ynskjer vekt på skotne dyr. Dette er viktig for å fylgja med på flokkutviklinga. Me ynskjer òg at jaktturar utan resultat eller sett hjort vert registrert i hjorteviltregisteret.

Frist for registrering

Når jakta er ferdig, har jaktleiar 14 dagar på seg til å rapportera inn jaktdata til kommunen via hjorteviltregisteret. Om dette er gjort fortløpande i jaktsesongen i «sett og skutt»-appen av jegerane, er arbeidet enkelt og kjapt for valdansvarlege.

Føring av sal eller byte av løyve i hjorteviltregisteret

Vald som er med i bestandsplanområde kan selja, byta eller gjeva bort løyve til andre vald i same området. Dette vert ført litt annleis i hjorteviltregisteret. 

Slik gjer ein det:

• I «sett og skutt» skal jeger/jaktleiar registrera jaktdagen og det skotne dyret der det faktisk er jakta. 
• Når valdansvarleg sender inn elektronisk fellingsrapport, skal valdet huka av for «legg til eller trekk fra dyr grunnet fellesjaktavtale». 
• Valdet som har skote dyret, klikkar på minusteiknet ved rett kategori dyr. Det skotne dyret går då ut frå den endelege fellingsrapporten.
• Valdet som fekk tildelt løyvet frå heradet (men der dyret ikke er registrert på «sett og skutt»), skal klikka på plussteiknet. Dyret vert då lagt til på den endelege fellingsrapporten i valdet.