Staseleg Statsraad-besøk i Kvam

Statsraad Lehmkuhl la til kai i Øystese i dag 23.5.23, etter å ha sigla frå Bergen i går. Med på seglturen var deltakarar til Fjordtinget, som går av stabelen i Kabuso i dag. 

Statraad Lehmkuhl i Hardangefjorden - Klikk for stort bileteStatraad Lehmkuhl i Hardangefjorden Anita Hesthamar

Fjordtinget vart opna av ordførar Torgeir Næss, før fire ulike sesjonar med innhald og tema som mellom anna:

  • norsk eigarskap
  • kompetansesenter for robotteknologi
  • Rein Hardangerfjord
  • samarbeid Bergen/regionen

Konferansen vert avslutta med fjordtingsgilde om bord på Statsraad Lehmkuhl i Øystese i kveld, før skipet returnerer til Bergen hamn. 

15. april kom Statsraad Lehmkuhl tilbake til Bergen etter ein nesten to år lang jordomsegling, kalla "One Ocean Expedition". Jordomseglinga var ein del av FN sitt havforskingstiår, med mål om å skapa merksemd og dela kunnskap om kor viktig havet er for ei bærekraftig framtid i eit globalt perspektiv.

Med på både jordomseglinga og på turen til/frå  Bergen-Øystese, var Håvard Botnen frå Kvam. Han er matros på Statsraad Lehmkuhl, og er nok kjent for mange i kommunen som tidlegare leiar av Kvam Ungdomsråd. 

Håvard Botnen med Statsraad Lehmkuhl i Øystese - Klikk for stort bileteHåvard Botnen med Statsraad Lehmkuhl i Øystese Anita Hesthamar

 

 

 

 

 

 

 

 

 

 

 

 

 

 

Statsraad Lehmkuhl i Øystese Anita Hesthamar
Publisert av Anita Hesthamar
Sist endra 23.05.2023 13:32