Informasjon om tilskotsordninga

Kultur- og idrettsorganisasjonar i Kvam med organisasjonsnummer kan søkja tilskot til drift av laget og/eller nærmiljøtiltak i denne ekstrautlysinga. Grendautval, grendalag og velforeiningar kan søkja tilskot til nærmiljøtiltak i 2025.

Søknadsfrist er 15.oktober 2025, og søknader som kjem inn etter fristen vert ikkje tatt med i denne ordninga. Søknadsskjema finn ein her.

Kva kan ein søkja tilskot til i denne ordninga:

• Kultur- og idrettsorganisasjonar som ikkje har søkt og fått driftstilskot for 2025
• Nærmiljøtiltak 2025 ( drift av lokale kulturhus, leikeplassar, turstiar og friområde). Grendautval, grendalag og velforeiningar kan søkja i tillegg til kultur/idrettsorganisasjonar.  Tiltak må gjennomførast i 2025, og ein kan ikkje overføra evt tilskot til 2026.

Tiltak og arrangement som ikkje har søkt og fått tilskot i 2025 vert prioriterte i denne ordninga.

Føremålet med tilskotsordninga er å støtta kulturlivet i kommunen, og gje økonomisk tilskot til å gjennomføra tiltak i Kvam innafor retningslinene.

Retningsliner for tilskot:

• Kultur- og idrettsorganisasjonar i Kvam kan søkja tilskot. Grendautval, grendalag og velforeiningar kan søkja nærmiljøtilskot. Søkjar må ha organisasjonsnummer.
• Søknaden må vera forankra i styret, samt føremålsparagrafen til laget
• Tiltaket må ha ei lokal forankring
• Det vert ikkje gitt tilskot til forprosjekt, administrasjon, kjøp av utstyr og dugnad,- men dugnad må vera ein del av finansieringa
• Tiltak/arrangement som mottek kommunalt tilskot må akseptera ledsagarbevis/følgjekort

Rapportering:

Tilskot vert utbetalt etter innsendt rapport, seinast 10.12.25.

Retningsliner for tilskot

Ved spørsmål, ta kontakt med leiar for kultur og fritid Mary Ann Sørheim: 954 07 710, mars@kvam.kommune.no