I år er det val av representantar til fylkesting og heradsstyre. Fylkestinget og heradsstyret skal representera deg. Det er difor viktig at du stemmer på det partiet som du meiner kan gjera dette på best mogeleg måte.

Fylkestinget tek avgjerder mellom anna om:

• vidaregåande opplæring
• fylkesvegar med tilhøyrande ferjestrekningar
• lokal kollektivtransport
• kulturtiltak

Heradsstyret tar til dømes avgjerder i:

• lokale saker som barnehagar
• barnevern
• plan- og arealspørsmål
• grunnskule
• helse- og omsorgstenester
• kulturtiltak
• renovasjon

Når du brukar stemmeretten din, så er du med på å påverka di eiga framtid og lokalsamfunn. Dersom du ikkje gir beskjed om at du til dømes ønskjer endring, så kan du heller ikkje forventa at det skjer endringar automatisk. Ved å la vera å bruka røysteretten din, så gjev du avkall på mogelegheita di til å påverka og ta del i lokaldemokratiet. Dersom lokaldemokratiet vårt skal fungera, så er det viktig at du som har røysterett nyttar denne. 

Kvar stemme tel!

Kvifor?
Nokre gongar er det berre nokre få stemmer som kan avgjera valresultatet. Det vil seia kva parti som får flest representantar i fylkestinget eller heradsstyret og kven av listekandidatane som blir valt til faste representantar. Det partiet som har størst oppslutnad, er også det partiet som har størst sjanse til å få gjennomslag for sine saker. 

Illustrasjon på valresultat Bilde lånt av NSD

I år er valdagen 11. september.

Du kan førehandsrøysta frå 10. august til og med 8. september.

Fotograf Tore Fjeld

Informasjon om korleis og kvar du kan stemma finn du på desse lenkene:

• kvam.no
• valg.no
• Finn ditt valglokale

• Du kan lesa valprogramma til partia. Dei leverer desse ut på stand i forkant av valet.
• Du kan gå inn på heimesidene til dei ulike partia, samt følgja dei på Facebook.

Lenke til alle dei politiske partia i Kvam med lenke til både nettside og Facebookside finn du her.

• Husstandane i Kvam får også alle valprogramma i posten (samlekonvolutt). Kontroller difor om du har fått dette i postkassa.
• Du kan få med deg partidebatten tirsdag 29.8.2023 i Kabuso kl. 19.00- 21.00. Debatten blir også direktesendt på HF.no. 
• Finn ut kva som er viktige saker for deg. Er det nokre av partia som deler ditt syn eller prioriterer dine saker i sitt valprogram?
• Du kan også gjennomføra ein valgomat på nett for å sjå om du får betre innsikt i kva dei ulike partia står for t.d. NRK eller VG sin valgomat.

Skjermbilde frå NRK sin valgomat

Eit politisk parti er ei samanslutning av personar som mykje godt deler det same synet i ulike politiske spørsmål og ønskjer å vinna fram og påverka politiske avgjerder mellom anna ved å stilla til val.

Det er mange ulike politiske parti/ lister som stiller til val i eit kommunestyre- og fylkestingsval. I somme av dei politiske sakene er partia samde, medan i andre saker har dei heilt ulike meiningar. Det kan vera vanskeleg å finna fram til eit parti som du er 100 % samd med. Du må difor tenkja over kva saker som er viktigast for deg og velja ut i frå dette.

Det partiet som får flest stemmer får også størst representasjon (faste representantar) i fylkestinget og heradsstyret. Dei har difor større mogelegheit til å få gjennomslag for sine saker pga. Fylkestinget og heradsstyret gjer nemleg vedtak. Det forslaget som får flest stemmer, er også det forslaget som blir vedteke. Politiske parti sitt standpunkt i ulike saker har difor mykje å seia, men det heile startar med at DU NYTTAR RØYSTERETTEN DIN!

Ved dette valet kan du både stemme på parti og gje personrøyst (stemmetillegg).
Dette gjeld for både fylkestingsvalet og kommunestyrevalet. Dersom du ønskjer å påverka kva kandidatar som blir valt, kan du gi ei personstemme til dei kandidatane du ønskjer skal få eit slikt personstemmetillegg. Det er opp til deg om du vil endra på røystesetelen ved å gi personstemme.

I kommunestyrevalet kan du i tillegg skriva opp kandidatnamn frå andre parti/ grupper i eit eige felt på røystesetelen. Me kallar desse for «slengarar». Du må vera merksam på at dersom du gir personrøyst til ein kandidat frå eit anna parti/ gruppe, så vil ei «listerøyst» (1/27  av stemma di) bli overført til det andre partiet/ gruppa. Dette kan påverka fordelinga av mandata i heradsstyret. I Kvam har veljarane høve til å skriva opp 6 «slengarar» på røystesetelen til kommunestyrevalet.

Fotograf Tore Fjeld

Kven vert valt?

Etter at alle røystesetlane er talt opp, så finn valstyret ut kor mange representantar dei ulike partia eller gruppene får i heradsstyret og fylkestinget. Deretter tel valstyret opp personrøystene for å finna ut kva kandidatar som er valt.

Du kan berre røysta på eit parti ved kvart val, men du treng ikkje røysta på det same partiet ved begge vala det vil seia at du kan røysta på parti A ved kommunestyrevalet og parti B ved fylkestingsvalet. MEN ved kommunestyrevalet kan du gje «personrøyst» til kandidatar frå andre parti/ grupper.

Dette kan jo vera litt forvirrande. Me kallar desse for «slengarar». Du må vera merksam på at dersom du gir personrøyst til ein kandidat frå eit anna parti/ gruppe, så vil ei «listerøyst» bli overført til det andre partiet/ gruppa. Dette kan påverka fordelinga av mandata i heradsstyret. I Kvam har veljarane høve til å skriva opp 6 «slengarar» på røystesetelen til kommunestyrevalet.

Fotograf Tore Fjeld