Del 2 Samordna opptak

2.1 Retningslinjer for opptak    

a. Ved hovudopptaket gjeld lovfesta rett til barnehageplass jf. lov om barnehagar §16 ved søknad innan fristen 01.02. Born kan tidlegast byrja i barnehagen den månaden det fyller 1 år. Nytt barnehageår byrjar i veke 32.  

b. Opptakskriterier etter følgjande prioritering:  
Lovpålagte kriterier:  
- Born med nedsett funksjonsevne jf. §18 i lov om barnehagar.    
- Born med vedtak etter lov om barnevernstenester §5-1 fyrste ledd bokstav a-d, §3-1 og §3-4 fyrste ledd bokstav b.    

Kommunale kriterier:    
- Minoritetsspråklege born med foreldre som følgjer introduksjonsprogrammet. Krav til dokumentasjon.     
- Born med familiar som har store belastningar på grunn av sjukdom eller funksjonshemming hjå føresette eller sysken. Med sjukdom er det meint alvorleg og varig sjukdom hjå bornet sine føresette eller sysken. Krav til skriftleg dokumentasjon frå lege og/eller medisinsk institusjon.    
- Året før skulestart.    
- Ved tildelt plass har born med søsken i barnehage førerett til plass i den barnehagen søsken går i. Dersom det ikkje er areal til fleire born i den aktuelle barnehagen vert det gjeve tilbod der det er ledig plass.    
- Eldre born vert prioriterte framfor yngre born.    
Kommunen skal i størst mogleg grad tilby søkjar plass i den barnehagen det vert søkt plass i, og t ildelinga kan sjåast i samanheng med gruppesamansetjing og nærleik til heimen (del 1 pkt. 7).    

- Fleirlingar skal til vanleg verta vurdert saman ved opptak.    

c. Kvam herad har hovudopptak med søknadsfrist 1. februar. Det vert gjort suppleringsopptak gjennom året ved ledig plass.

d. Born som søkjer plass utanom hovudopptaket vert sett på venteliste til nytt opptak.     

e. Rådmannen avgjer om heradet kan gje førerett til plass i barnehage i samband med rekruttering t il stillingar der heradet har vanskar med å skaffa kvalifisert personale.    

f. Dersom føresette takkar nei til plass på 1. ynskje, blir søknaden sletta frå ventelista, og ny søknad må eventuelt sendast. Takkar ein nei til ein av dei andre ynskja, blir søknaden ståande på ventelista til 1. ynskje.    

2.2 Søknad    

- Søknadsfrist 1. februar til hovudopptaket for tildeling av plass frå nytt barnehageår i august.     

- Alle søknader må sendast elektronisk via kommunen si heimeside.    

- Føresette skal søkja om plass i to barnehagar, der ein prioriterer etter ynskje.    

- Svar på motteke plass må skje skriftleg innan to veker frå tildelingsbrevet vert sendt ut.    

- Søkjarar som ikkje får 1. og 2. ynskje oppfylt, kan krevja at avslaget blir grunngjeve skriftleg.  

2.3 Størrelse på plass    

Ved søknad om barnehageplass kan ein søkja om heil plass, 100%.  

2.4 Opplysningar til søkjar    

Søkjar har rett på opplysningar om talet på søkjarar til barnehagen, aldersfordeling og korleis grupperinga er i høve til opptakskriteria.