Me har framleis ein pågåande situasjon med lekkasje som fører til manglande drikkevatn eller redusert vasstrykk i delar av Strandebarm, innanfor brua mot Berge. Arbeidet med å lokalisere lekkasjen held fram, og aktuelle tiltak vil verte vurderte. Det er også engasjert eksterne for å bistå med lekkasjesøket.
Vassledningsnettet i området er av varierande alder, og forhold ved delar av det eldre leidningsnettet kan gjere arbeidet med å lokalisere og utbetre problemet meir krevjande.
Som tidlegare meldt er det sett ut drikkevatn ved kyrkja i Strandebarm for dei som har behov for dette.