Dag A. Norsveen
Hugs!
Dersom du eig eller disponerer ein eigedom med avkøyrsle til veg, eller til gang- og sykkelveg, har du ansvar for fri sikt ved di avkøyrsle.
For å oppnå dette må du syta for at vegetasjon ikkje veks utover eigedomsgrensa di, og du må syta for at både born og vaksne skal kunna sjå og bli sett i trafikkbiletet.
Det medfører:
Ved gang- og sykkelveg
- Dersom avkøyrsla di kryssar gang- og sykkelveg, må høgde på hekk og gjerde ikkje overstiga 0,5 meter over gateplan i frisiktsona (30 meter).
- Det må vere 3 meter fri sikt inn i avkøyrsla. Det betyr at når du står 3 meter inn i avkøyrsla di, skal du kunne sjå midten av gang- og sykkelvegen 30 meter til kvar side.
- Merk at frisiktsona bør utvidast ut over 30 meter dersom gang- og sykkelvegen heller og syklistane held høg fart.
Ved veg
- Dersom avkøyrsla di munnar ut i vegen, må høgde på hekk og gjerde ikkje overstiga 0,5 meter over gateplan.
- Hekk og gjerde kan også flyttast utanfor frisiktsona.
- Det må vere 4 meter fri sikt inn i avkøyrsla. Det betyr at når du står 4 meter inn i avkøyrsla di, skal du kunna sjå vegen 45 meter til kvar side dersom fartsgrensa er 50 km/t. Er fartsgrensa høgare, aukar avstandane.
For ytterlegare opplysningar og nyttige illustrasjonar, sjå Statens Vegvesen sin brosjyre om klipping av hekkar og buskar under:
Klipp hekkar og busker. Trafikktryggleik også ditt ansvar (PDF, 2 MB).