___________
Viktig trafikksikringstiltak
Tiltaket er eit viktig trafikksikringstiltak. Kvam herad har søkt både Statens Vegvesen og Vestland fylke om trafikksikringsmidlar. Statens Vegvesen har løyvd 1 mil. kr til tiltaket. Utbyggingskostnaden vert finansiert av Kvam herad, trafikksikringstilskot, samt via utbyggingsavtale med Torebøen bustadfelt.
Nedre del av vegstrekket som skal forbetrast.
Google maps
Nedre del
Oppstart i februar 2024. Vegstrekket i kryss frå fylkesvegen i Skårdalen til avkøyring til Steinhus.
Her vart det i 2018 utført arbeid med VA sanering, kabelanlegg og tilrettelegging for utvida veg og fortau.
På dette delstrekket inngår no arbeid med:
- vegutviding
- natursteinsmuring
- betongkant
- etablering av fortau
- nye asfaltdekke
Starten på øvre del som skal forbetrast
Google
Øvre del
Deretter skal øvre delstrekk frå avkøyring til Steinhus og opp til Torebøen og kryss til Kyrhagen forbetrast.
Det skal her utførast arbeid med:
- vegutviding
- masseflytting
- sprengingsarbeid
- natursteinsmuring
- vegoverbygning
- asfaltdekke
- fortau
Det skal også opparbeidast nye anlegg for vatn, spillvatn og overvatn.
Anlegga skal knytast til eksisterande anlegg, både kommunale hovudleidningar og private stikkleidningar. Det skal opparbeidast nytt veglys og kabelgrøft. Eksisterande VA anlegg skal vere i drift under utføringa. Det inngår arbeid med midlertidig forsyning-leidningar for vatn og avløp.
Framdriftsplan
- omsyn til trafikk og tid til gjennomføringa
Arbeid er planlagt utført vår/sommar 2024. Tidspunkt er vald med tanke på at denne typen arbeid krev gode produksjonsforhold utan snø og frost. Trafikkavviklinga kan gjennomførast på ein trygg, smidigare og betre måte ved utføring i dette tidsrommet.
Produksjonstida er sett opp ut i frå erfaringstal og erfaringar frå tilsvarande kommunale prosjekt. Det er vurdert og planlagt at det er sett av nok tid for å kunne ivareta tryggleiken under produksjon. Sikkerheita til gåande skal ivaretakast.
Det er planlagt at vegen kan stengast for biltrafikk tidvis under utføringa. Dette vil medføre gode produksjonsforhold og sikker utføring.
Gode produksjonsforhold vil medføra kortare produksjonstid og mindre ulemper for trafikanter og naboar.
Oppstart er planlagt i mars 2024 ferdigstilling september, same år.
Oppdraget er tildelt GBS entreprenør.