GBS Entreprenør AS vann totalentreprisen om å utføra entreprise ein av arbeidet med VA-saneringa på Børvenes. GBS arbeidar no med å planleggja oppstarten på arbeidet.

Arbeidet skal gjennomførast seksjonsvis.

• Der grøftearbeida går føre seg vil vegen vera stengd for biltrafikkette vil påverka køyreruta til bebuarar langs traseen. 
• Mjuke trafikkantar som gåande og syklande skal trygt kunne  passera anlegget i heile perioden.

GBS Entreprenør har som del av arbeidet ansvaret for å gje informasjon om arbeidet som skal skje til bebuarar og brukarar av vegen.

Arbeidet som skal utførast 

Arbeidet vil leggja til rette for at bustadar og bygg ovanfor og nedanfor fylkesvegen kan knytast til kommunalt spillvassanlegg. Det er såleis mange private avløpsleidningar som må oppgraderast for at spillvatnet kan førast fram til reinseanlegget på Notaneset. I dette prosjektet vert det lagt til rette for tilkopling av spillvatn, men tilkoplinga kan først skje etter at ny pumpestasjon er sett i drift. Eksisterande vassleidning og kummar i vegen vert også fornya som del av arbeidet.

Betre og tryggare vassforsyning

Når prosjektet er gjennomført skal ein oppnå at lokale utslepp til fjorden vert fjerna. Dei ulike slamavskiljarane i området vert kopla vekk. Overvatnet skal skiljast frå spillvatnet og renna til fjorden. Ny vassleidning og nye vasskummar vil gje betre og tryggare vassforsyning for abonnentane. Alle leidningar vil verta målt inn og registrert i leidningskartet slik at ein har god dokumentasjon for framtida.

Entreprise to er planlagt utført i 2027.