Brukarane av vegsstrekk som vart privatisert av Kvam heradsstyre i sak HST 008/22 den 15.2.2022 kan søke om støtte til oppretting av veglag og vedlikehald av vegen. 

Ordninga gjeld og for følgjande private vegstrekk:

1. vegstrekk til Gartveitvegen 19 m.fl
2. vegstrekk til Vetletveitvegen 69 m.fl
3. vegstrekk til Fitjadalsvegen 30 m.fl

For å sjå kva vegar som privatisert i sak HST 008/22, trykk på lenka under:

Lenke til politisk sak om privatisering av vegar

Søknad må sendast inn på vegne av veglag som omfattar alle brukarane av vegen.

Dersom vegen berre går til eit husvære, kan søknad likevel sendast inn av enkeltperson som høyrer til husværet. 

Nei, det er ikkje krav til organisasjonsnummer for å kunne søke om støtte.

Dersom vegen går til meir enn eit husvære er det likevel krav om at det er organisert eit veglag som inkluderer alle brukarane av vegen. Dersom veglaget ikkje er registrert med eige organisasjonsnummer, må privatpersonen som søker på vegne av laget ha skriftleg fullmakt frå alle brukarane av vegen til å kunne søkje og motta støtteutbetaling frå kommunen. Har veglaget eige organisasjonsnummer er det tilstrekkeleg å leggje ved registerutskrift som syner at innsendaren av søknaden har signaturrett eller tilsvarande rett til å sende inn søknaden.

Det vert gitt støtte til følgjande tiltak i prioritert rekkefølge:

1. Refusjon av dokumenterte kostnadar med etablering av veglag. Dette kan for eksempel vera kostnadar med rettsgebyr til jordskifte eller liknande.
2. Refusjon av opp til 70 % av dokumenterte utgifter til vintervedlikehald, for eksempel til brøyting eller strøing.
3. Refusjon av opp til 70 % av dokumenterte kostnadar til anna naudsynt vedlikehald.

Kostnadar med anna naudsynt vedlikehald kan fort verta omfattande og medføre ein risiko dersom dei seinare ikkje vert dekka av stønadsordninga. Før slikt arbeid vert utført skal søkar derfor kunne be kommunen om ei bindande vurdering av om arbeidet vert vurdert som naudsynt.
Slik førespurnad skal sendast til e-post: postmottak@kvam.kommune.no.

Kommunen si vurdering av om arbeidet skal reknast som naudsynt tek utgangspunkt i Statens vegvesen sitt rundskriv nr 97/13. Rundskrivet ligg som vedlegg til Kvam herad si vegnorm frå 2017. Merk at vurderinga likevel og tek omsyn til kva som er standarden på andre kommunale vegar.

Lenke til Kvam herad si vegnorm av 2017

Kommunen har totalt kr. 300.000,- som kan fordelast mellom søknadane i tråd med prioriteringsrekkefølgen over.

At kommunen har vurdert arbeid som naudsynt vedlikehald er derfor ingen garanti for at det er tilstrekkelege midlar til å innfri søknaden i ettertid.

Dersom totalramma ikkje vert stor nok til å dekke alle søknadar det eine året, skal dette rapporterast til heradsstyret for eventuelt utviding av ramma.

Vert ramma ikkje utvida, vil det kunne søkast om støtte til refusjon av udekka kostnadar det påfølgjande året. Slik udekka kostnadar vil i så fall verta vurdert som prioritet 4 under handsaminga av søknadar det påfølgjande året.