Vil du sjå sendinga, finn du den her: NRK: Disse artistene hyller Klassequizen-vinnerne

10. klasse i Strandebarm vann NRK sin kunnskapskonkurranse "Klassequizen" i ei spanande finale som vart vist på NRK1 18. mai. Klassequizen er ein årleg landsomfattande kunnskapskonkurranse for ungdomsskuleelevar i 10. klasse.

Ein av premiane var altså at NRK mP3 sendte live frå skulen, med mP3 si faste sending "Endelig morgen" frå kl 6.30 til kl 10 tysdag. Premiesendinga gjekk direkte frå kantina på skulen, og både radiopublikum og publikum på skulen fekk høyra artistane Sval, Peder Elias og Havsun live. Programmet vart leia av programleiar Martin Holmen og av YouTube-aren Agnetesh, eller Agnete Husebye, som har meir enn 100.000 følgjarar på den populære videoplattforma.

I tillegg til elevar på Strandebarm skule, var òg medfinalistane frå Hop skule gjestar. Etter sendinga fekk 10. klasseelevane frå Strandebarm og Hop tur med ribbåt og eit besøk på pizzarestaurant, gratulasjonshelsing frå Kvam herad. Og på skulen vanka det også kake!