Vil du bli ein del av vårt fagmiljø?

Kvam herad har ledig tre fastlegeheimlar  i Kvam herad frå august/september.  Stillingane er ved Norheimsund legesenter og Helsebanken legekontor.

Som fastlege i Kvam blir du ein del av eit kollegium på 11 fastlegar. Du får høve til å følgja pasientane dine over tid, du møter folk i alle aldrar, frå alle samfunnslag og i alle fasar av livet. Fastlegen er viktigare enn nokon gong i den kommunale helse og omsorgstenesta, og for samhandlinga med alle deler av helsetenesta. 

Om legekontora

Legekontoret i Norheimsund er eit kommunalt legekontor med eit ungt fagmiljø. Her arbeider 5 legar,  erfarne og dyktige sjukepleiarar og helsesekretærar. Legekontoret har både næringsdrivande og fastlønna legar og er lokalisert i Norheimsund sentrum. Det er fleire allmennlegar i spesialisering ved kontoret, og det er difor behov for spesialist i allmennmedisin til dagleg supervisjon og medisinsk fagleg ansvar.

Helsebanken legekontor ANS ligg i Øystese og er ein veldriven 6-legepraksis i moderne lokale i Hardangerbadet.  Alle legane ved kontoret er spesialistar i allmennmedisin, og du vert ein del av eit sterkt fagleg og sosialt fellesskap. Her arbeider erfarne og dyktige hjelpepersonell, og du har eigen sjukepleiar tilknytt lista di. Legekontoret ligg sentralt i Øystese/Haranger,  begge kontora har om lag 75 minutt køyretid frå Bergen Her lyt ein kjøpe andel av inventar/utstyr/maskinpark.Helsebanken ynskjer primært legar i næringsdrift, men det kan også opnast for vikariat med fastløn.

Det er viktig å presisere at ein i kommunen ikkje tilkjem goodwill/verdi av opparbeida praksis ved overdraging av liste i næringsdrift.

Legekontora nyttar journalsystemet Webmed. Kontoret er tilknytt Norsk Helsenett, og nyttar e-resept og elektronisk kommunikasjon med andre kommunale helse og omsorgstenester og spesialisthelsetenesta. Bruk av e-konsultasjon, e-kontakt og timebestilling via digital dialog med fastlege på helsenorge.no. 
me har godt utstyrt laboratorium, EKG, spirometri og 24 timars-blodtrykksmåling. Ultralydapparat tilgjengeleg. Kontora har interne fagmøter/smågruppemøter kvar veke. 

Om stillingane

Arbeidsgivar: Kvam herad
Stad: Norheimsund, Øystese
Stillingstittel: Fastlege

Stillingar: 3
Heiltid / Deltid: Heiltid
Tilsetjingsform: Fast
Stillingsprosent: 100

Søknadsfrist: 03.05.2026

Les meir og søk i Webcruiter

Norheimsund legekontor

Helsebanken i Øystese