Den nye omsorgsbustadane skal stå klare tidleg 2023, og vil innehalda 26 leilegheiter. Det vil også vera plass for legekontor og fysioterapeut, og sentralt i bygget vert det eit atrium med glas i både tak og fasade. Utanfor skal det lagast til eit parkanlegg som mellom anna vil innehalda ein såkalla sansehage.

Det var i juni 2020 at heradsstyret vedtok at det skal byggjast eit nytt omsorgssenter på Tangerås, med ei kostnadsramme på 150 millionar kroner, inklusive meirverdiavgift. 

Rådmann Anita Hesthamar var blant dei som var innom kranselaget. Ho takka for arbeidet som er utført så langt.   

Slik vert bygget sjåande ut, og no er det i ferd med å ta form

På Facebook-gruppa Strandebarm har Asbjørn Sangolt lagt ut fleire timelapse-filmar han har laga som viser arbeidet. Der finn du mellom anna ein film frå monteringa av takmodular fyrst i mars. Du finn meir informasjon om prosjektet på Kvam herad sin prosjektportal, kvamheradprosjekt.com.