Forfattaren Hans E. Kinck( 1865-1926) vaks opp i Kinckgarden i Strandebarm.  Sidan 1986 har Johan Storm Munch vore eigar av Kinckgarden. Han har bygt ein kulturinstitusjon ved å ta vare på eksisterande bygg, samt supplera med ulike bygningar og miljø slik at Kinckgarden framstår som eit unikt kultursenter med ulike tilstellingar og godt bevart kulturhistorie.

Kinckdagane har bydd på konsertar, utstillingar, foredrag og omvisingar, med hovudfokus på Hans E. Kinck og hans forfattarskap. Johan Storm Munch har gjennom åra opna Kinckgarden for publikum og formidla historia med stor kunnskap og entusiasme.

Johan Storm Munch fekk Kvam herad sin kulturpris i 2002.

Johan Storm Munch, Olav Johannes Skeie og Geir Botnen har vore i programnemda frå starten, og fortener alle ein stor takk for arbeidet.