Del 1 ferdig: Arbeidet med uttak av fjell og sikring av skjeringar bak rådhuset er no ferdigstilt. Me er godt nøgde med resultatet, og oppfattar at anleggsarbeidet og støyen har vore til å leva med utan store ulemper for dei som arbeider i området.
Del 2: No går me inn i ein ny fase, der parkeringsplassen skal ferdigstillast med asfaltdekke, oppmerking og belysning. Det skal også etablerast grøfter og røyr for overvatn, og parkeringsområdet framfor rådhuset skal utvidast.
Denne delen av arbeidet (del 2) vert utført av Kvam Maskin og Transport, med oppstart i veke 38. Planlagt ferdigstilling er 12. desember.
Me ser fram til å ta i bruk dei nye parkeringsplassane, men i mellomtida vil det dessverre vera færre parkeringsplassar tilgjengeleg.
I denne perioden vert alle parkeringsplassar rundt rådhuset og ved Gamle Sandvenvegen reservert for:
- Besøkande
- Handikappa
- Utrykingskøyretøy
- Skulebil
- Tenestekøyretøy
Plassar med elbilladarar vert reservert tenestebilar som har behov for lading.
Midlertidig skilting av reserverte parkeringsplassar vert sett opp i anleggsfasen, som vist på skissa over.
Tilsette ved rådhuset
Alle tilsette ved rådhuset vert oppmoda om å nytta parkeringsplassen ved idrettsbanen og ta den korte spaserturen derifrå.
Nødutgangar kan nyttast som normalt, men skal ikkje brukast utan behov. Alle inngangar vert opne som i del 1, og i tillegg vert inngangen på baksida av kantina stengd i denne perioden.
Me gler oss stort til å få ferdigstilt dei nye parkeringsplassane før jul, og i god tid til opninga av heile den vidaregåande skulen.
_________
Del 3 uteområde Norheimsund skule og ferdigstilling av grøntområde del 1 og 2 i dette prosjektet, som omfattar rundkøyring, stenging av Grovagjelet og uteområde for barneskulen, er planlagt med oppstart i 2026. Då vil ein også utføra grønt arbeid og be plantning i del 2, som grunna vêrforhold ikkje vert gjennomført no i haust.
For spørsmål, ta kontakt med:
Øystein Ølmheim tlf. 970 82 295