Nasjonalt råd for ernæring
Fagrådet for ernæring skal styrka myndigheitene si fagrolle ved å gi kunnskapsbaserte råd i arbeide med kosthald, ernæring og helse i befolkinga og i helsetenesten.
Rådet vert konstituert i januar 2024.
Medlemmer i Nasjonalt råd for ernæring i perioden 2024-2026
- Lene Frost Andersen, professor i ernæring og instituttleder, Institutt for medisinske basalfag, Universitet i Oslo (leiar)
- Guri Skeie, professor i ernæring, Universitetet i Tromsø - Norges arktiske universitet (nestleiar)
- Erik Arnesen, stipendiat, Universitetet i Oslo
- Rune Blomhoff, professor i ernæring, Universitetet i Oslo og forskningsleder Avdeling for klinisk service, Kreftklinikken, Oslo universitetssykehus
- Liv Stray Breistein, fagsjef for Byrådsavdelingen for helse, eldre og innbyggertjenester, Oslo kommune
- Elise Brenne, folkehelserådgiver, Østfold og Viken fylkeskommuner
- Simon Erling Nitter Dankel, professor i medisin/ernæringsbiokjemi, Universitetet i Bergen
- Lars Thore Fadnes, professor ved Institutt for global helse og samfunnsmedisin, Universitetet i Bergen, lege og spesialist i allmennmedisin
- Aysha Grönberg, seniorrådgiver, Forbrukerrådet
- Kirsten Bjørklund Holven, professor i klinisk ernæring, Universitet i Oslo
- Nanna Lien, professor i samfunnsernæring, Universitetet i Oslo
- Helle Margrethe Meltzer, pensjonist, tidl. forskningssjef ved Folkehelseinstituttet
- Amund Måge, forskningssjef Avdeling sjømat og ernæring, Havforskningsinstituttet
- Camilla Sandvik, førsteamanuensis i ernæring, mat og helse, Nord universitet
- Eli Skeie, prosjektleder/klinisk ernæringsfysiolog, Kvam herad
- Mette Svendsen, klinisk ernæringsfysiolog, Medisinsk klinikk, Oslo universitetssykehus
Eli sjølv om å verta valt
Eg vart kjent med at Helsedirektoratet søkte etter medlem til Nasjonalt råd for ernæring gjennom sosiale media og nettaviser, i tillegg til tips frå både noverande og tidlegare kollegaer. Rådsperioden går over fleire år, så eg tenkte at om eg ikkje søker no lyt eg vente lenge på ny sjanse. Difor heiv eg meg rundt, sjølv om eg ikkje hadde særleg tru på at eg skulle få plass.
Eg er glad for å få moglegheita til dette. Å få kombinere å jobbe nasjonalt på oppdrag av Helsedirektoratet, samstundes som eg får jobbe lokalt for Kvam herad og Voss lokalsjukehusområde er ein heilt super kombinasjon for meg. Ja, takk, til begge deler.
Ja, takk, til begge deler.
Motivasjon for rolla
Motivasjonen for at eg ville bli ein del av dette fagrådet var at eg ønskjer å delta i nasjonale ernæringsrelaterte diskusjonar og bidra til at matnyttig informasjon når ut til flest mogleg, og særleg til dei som treng det mest. Eg er ikkje kjend med at det har vore representantar frå kommunane i tidlegare periodar, og eg skal innrømme at dette også motiverte meg. Eg tenker at arbeidserfaringa mi frå Kvam og Voss herad er av høg verdi inn i representasjonen, for det finnes ganske mange slike mellomsmå og mellomstore kommunane i Noreg.
Eg håpar på å få kombinere det lokale og nasjonale ernæringsarbeidet utan at det skal kjennast som det eine området blir prioritert over det andre.
For ein jobbar jo mot felles mål, sjølv om metodikken vil variera.
Helse og omsorgssjef Terje Langeland
Terje fortel at Kvam er stolte av at me er ein av to kommunar i heile landet som har fått ein kommunal representant inn i nasjonalt råd for ernæring. Dette fagrådet er det øverste fagrådet i Norge som gjeld ernæring.
Rådet skal på oppdrag frå Helsedirektoratet gje faglege råd av høg kvalitet og generelt bidra til å styrka Helsedirektoratet si fagrolle. Det å bli oppnemnt som medlem er ei fagleg tillitserklæring til Eli Skeie personleg og syner at me i Kvam herad har høgt kvalifiserte fagpersonar tilsette i organisasjonen vår, som kan jobba både på nasjonalt og lokalt nivå.
Nyttige lenker til vidare lesing: