Årets TV-aksjon er tildelt NRC Flyktninghjelpen.
NRC Flyktninghjelpen er tildelt TV-aksjonen NRK i 2026. Med di hjelp kan me gi over 400 000 menneske på flukt i Syria, Gaza, Afghanistan, Tsjad, Sudan og DR Kongo ein trygg heim og håp for framtida. Slagordet for årets TV- aksjon er “Gi et trygt sted å sove!”
Årets TV-aksjon er søndag 18. oktober og går til NRC Flyktninghjelpen. I Kvam vil det vera aktivitetar både før og etter aksjonsdagen. NRC Flyktninghjelpen er ein norsk humanitær organisasjon som hjelper menneske på flukt over heile verda. Organisasjonen gir naudhjelp og kjempar for rettane til folk i verdas verste kriser. Organisasjonen hjelpte 10.6 millionar menneske i 39 land i 2025. NRC Flyktninghjelpen har hatt TV-aksjonen fleire gongar tidlegare, sist i 2010. Organisasjonen arbeider over heile verda og er i dag til stades i rundt 40 land.
Midlane frå TV- aksjonen 2026 skal brukast i Syria, Palestina (Gaza), Sudan, Tsjad, Den demokratiske republikken Kongo og Afghanistan. Pengane skal gå til telt og andre nødbustader, mellombelse og permanente heimar, vatn- og sanitærprosjekt og juridisk hjelp.
Støtt TV-aksjonen og hjelp menneske på flukt ved å gi på følgjande måtar:
- VIPPS til: 2133 (350 kr eller valfritt)
- SMS med kodeord TVA til 2133 (350 kr)
- Gi nå! Lenkje til Gi nå!
- Overfør til TV-aksjonen sin konto 8380 08 09005
- Spleis- sjå informasjon under om Kvam herad si digitale bøsse og om korleis du kan oppretta ein eigen Spleis.
Kvam herad si digitale bøsse
Følg denne lenkja til Kvam herad si digitale bøsse: Kvam herad si digitale bøsse
Vil du laga ei digital innsamling for TV- aksjonen? Då kan du bruka Spleis- enkelt og trygt.
Ei digital bøsse er som ein vanleg Spleis, men er førehandsdefinert og går automatisk til TV-aksjonen NRK NRC Flyktninghjelpen. Den kan du enkelt redigera og dela med ditt nettverk. Den digitale bøssa blir kopla til din kommune ut frå det postnummeret du oppgir når du registrerer din brukar inne på Spleis.
Næringsliv, skular, barnehagar og organisasjonar nyttar ofte Spleis til å samla inn bidrag. Ta ein kikk om dette kan vera noko for deg, din arbeidsplass, eller ditt nettverk.
Les meir om korleis du kan oppretta ei digital bøsse (Spleis) her: Lenkje til korleis du kan oppretta ein spleis
Les meir om årets TV-aksjon på denne lenkja: Lenkje til åres TV-aksjon 2026
Syria. Barn og ballongar
Tina Abu-Hama, NRC Flyktninghjelpen