Sjå forskningsrapporten til Transportøkonomisk Institutt

Ved å verta godkjent som Trafikksikkert herad, kan ein vera trygg på at dei lover og føresegner kommunen er pålagt er systematisert.

Trafikksikkert herad er eit kvalitetsstempel for kommunen som syner at kommunen jobbar systematisk, heilskapleg og har gode rutinar.

For heradsleiinga gjeld dei fylgjande vilkåra:

Vilkår

• Kommunen har forankra ansvaret for trafikksikkerheitsarbeid hjå ordførar og rådmann. Delansvar kan liggja hjå einingsleiarane.
• Kommunen har eit utval med ansvar for trafikktryggleik.
• Kommunen har innarbeidd trafikktryggleik i HMS/internkontrollsystemet med reglar for reiser og transport i kommunal regi og ved kjøp av transporttenestar.
• Trafikktryggleik er eit årvisst tema arbeidsmiljøutval (AMU) i heradet.
• Kommunen har oppdatert oversikt over trafikkulukker og trafikkuhell (materiellskadar) i kommunen.
• Trafikktryggleik er ein del av folkehelsearbeidet til heradet.
• Kommunen har ein trafikktryggleiksplan. Planen har rullerings- og rapporteringsrutinar. Planen inneheld både trafikantretta og fysiske tiltak.
• Kommunen har eit godt system for å ha føre søknader om skyss pga. særleg farleg skuleveg.
• Kommunen har oppfylt kriteria for den enkelte sektor.

Krav til dokumentasjon

Ein kommune som ynskjer å verta godkjent, må ha oppfylt alle vilkåra over. I tillegg må det fylgjande kunne dokumenterast skriftleg:

• Skriftleg dokumentasjon frå rådmannen om at alle vilkåra er oppfylt
• Trafikksikringsplan for Kvam herad 2024 -2027 finn du på denne lenka. (PDF, 3 MB)
• Retningsliner for korleis dei tilsette ferdast i trafikken (i teneste)
• Rutiner for kjøp av transporttenester
• Dokumentasjon frå barnehagane
• Dokumentasjon frå skulane
• Dokumentasjon frå kommunalteknisk avdeling
• Dokumentasjon frå kulturavdelinga
• Dokumentasjon frå kommuneoverlegen
• Dokumentasjon frå helsestasjonane

For til dømes: skule og barnehage, teknisk, kultur og helsestasjon gjeld eigne vilkår og krav. Kriterier og krav for dei ulike einingane finn du på denne lenka som fører til Trygg trafikk sine sider.

______________

Sjå filmane frå Trygg trafikk

Filmane foklårar kva eit trafikksikkert herad er, korleis ein vert godkjent og kva det tyder å vera eit godkjent herad: Trafikksikkert herad på YouTube.

Kvar månad har me fokus på eit emne innan trygg trafikk som me formidler på vår nettside og Facebookside.

________________________

Tema for november 2024:

#bilmodus

• Mobilbruk er ein kjend årsak til ulykker. Sjølv om handhaldt mobil under køyring vart forbode allereie i 2000, klarar me framleis ikkje å la den vera.
• Å ikkje vera merksam, særleg knytt til bruk av mobiltelefon, er ein medverkande faktor til trafikkulykker.
• Eit enkelt varsel kan vera nok til å distrahera deg i hundrevis av meter, og aukar risikoen for ei ulykke med 66 %.
• Når du aktiverer bilmodus på smarttelefonen, gir du oss ei hjelpande hand i vårt mål om å senka statistikken for ulykker i Noreg.

På Trygg Trafikk sine nettsider kan du lesa meir om bilmodus