Steng ventilar og luker
Dersom du oppdager pipebrann må du stenga alle omnsventilar og luker som fører til skorsteinen. Dersom det ikkje er fyr i peisen kan du også stenga peisspjeldet. Er det fyr i peisen, må du ikkje gjera det, då vil røyken koma inn i rommet.
Unngå spreiing
Ved etasjeskiljer kjem treverk og anna brennbart materiale inntil pipa. Når det brenn i pipa kan dette ta fyr. Ver derfor ekstra merksam på røykutvikling ved etasjeskiljene, og hald eit auge med loft og kjellar. Dersom du oppdager at brannen spreier seg i etasjeskiljene, kan du freista å slukka med vatn eller slukkeapparat.
Slukke pipebrann
Slukkinga av ein pipebrann bør du overlata til brannvesenet, ring 110. Dersom du er på hytta eller det er langt til næraste brannvesen kan freista å dempa brannen med eit pulverapparat medan du venter:
- Opn sotluka i botnen av skorsteinen forsiktig, og styr slanger frå apparatet inn i skorsteinen.
- Trykk inn utløysaren, men lat berre litt pulver koma ut.
- Lukk igjen luka.
- Gjenta dette dersom brannen tek seg opp att.
Evakuer i tide
Hugs at du ikkje må setja deg sjølv i fare. Du må alltid evakuera før det vert farleg å opphalda seg inne.
Etter brannen må skorsteinen kontrollerast av brann- og feiarvesenet.