Som elev i Kulturskulen skal du få:
- møte dyktige lærarar med høg kompetanse, som skapar tryggleik, rettleier, inspirerar og skapar eit godt læringsmiljø.
- kjenna deg velkommen og bli sett i timen.
- verta respektert og verdsett uansett nivå eller føresetnad, og få tilpassa opplæring, samtidig som du vert utfordra.
- kjenna meistring, trivnad og glede
- møta tverrfaglege prosjekt og vera med i samspel med andre
- høve til å opptre / vise fram det du har arbeidd med i trygge omgivnader.
Som tilsett i kulturskulen ynskjer ein at elevane (evt. med hjelp frå føresette):
- møter presis til time
- melder frå i god tid dersom ein ikkje kan møte
- passar på å ta med notar og anna utstyr som trengs til undervisninga
- viser respekt for lærar og evt. medelevar, og bidreg til å lage eit godt miljø
- gir lærar beskjed om forhold vedkommande bør kjenne til for å gje eleven best mogeleg undervisning.
Her kjem nokre tips til korleis du kan hjelpe barnet / ungdommen din heime:
- Vis interesse! "Kva har du gjort på timen i dag?"
- Spør om å få høyre / sjå kva eleven arbeider med.
- Legg til rette slik at eleven kan øve seg heime.
- Lag gode øvingsrutiner. (kanskje er det at du les avisa medan barnet øver, kanskje er det er å gå ut av rommet. Finn ut kva som passar ditt barn / ungdom)
- Gå på konsertar / framsyningar / utstillingar om de har sjansen. Både når barnet / ungdommen din deltek, men også andre gonger.
Adminstrasjonsprogrammet me brukar heiter Speedadmin. Det er i dette programmet elevar vert registrert i det dei melder seg inn i kulturskulen. Som føresett og elev kan ein også logge seg inn i dette programmet for å sjekke timeplan, evt. undervisningsfri, finne kontaktinformasjon til lærar eller melde frå dersom eleven ikkje kjem til undervisning.
Etterkvart ynskjer me også å ta Speedadmin meir og meir i bruk som kommunikasjon kring heimearbeid. Altså at notar, tekstar og anna vert sendt via Speedadmin.
Du loggar inn i Speedadmin enten via lenkja her eller ved å gå til www.speedadmin.dk
Vel så Kvam kulturskule
Brukarnamn har alle registrerte elevar og føresette fått. (Har du gløymt det, sjå under)
Passord:
Har du gløymt brukarnamn og / eller passord, trykker du på "Glemt passord".
Og du vil få e-post med brukarnamnet ditt + retteleiing om korleis du lagar deg eit nytt passord.
Du kan no også logge inn via ID-porten.