Grunnleggjande i undervisninga er at elevane skal oppleve glede og mestring i møte med skapande aktivitetar. Læraren legg vekt på å dyrke eleven si tru på og evne til eigen skaparkraft og personleg uttrykk.
Gjennom arbeidet med ulike teknikkar, materialer og oppgåver får eleven erfaringar som øver opp observasjonsevna, både mot den ytre verda og den indre.
Undervisninga vekslar mellom aktivt lærande oppgåver og meir intuitivt, sjølvstendig arbeid.
Det vert lagt til rette for at elevane skal bli bevisste sitt personlege uttrykk. Gruppene er relativt små (maks 8-10 elevar) og det er i periodar rom for å jobbe fritt med personlege idéar.
Me arbeider vekselvis individuelt og i grupper. Det vert lagt vekt på sosial trivsel , framsnakking av eige og andre sitt arbeid og godt samhald.
Intuisjon, fantasi og improvisasjon vert vektlagt, men kunstnerisk arbeid er også tufta på på såkalt ”taus kunnskap”,
kunnskap som kjem med øving og erfaring . Eleven erfarer og lærer eit estetisk språk.
Eksempel på aktivitetar:
Teikning:
Teikning er ein grunnleggjande tekninkk innan kunstfeltet. Gjennom teikning aukar kunnskapen om 2 og 3 dimensjonale kvalitetar, og korleis ein kan skape 3 dimensjonal effekt på 2 dimensjonalt material.
Me teiknar med gråblyant,, fargeblyant , kolstift , tusj , tørrpastell og oljepastell.
Måleri:
Elevane eksperimenterer med ulike fargar og material . Dei får undervisning i perspektiv og komposisjon. Vanlegvis brukar me akryl, oljemaling og akvarell,. Elevane arbeider på feks på lerret eller kartong, i ulike format.
På vegg, på golvet, på stafeffeli mm. Me maler gjerne akvarell ute!
Skulptur:
Elevane arbeider med enkle skulpturelle teknikkar i til dømes gips, papirmasse, kartong mm.
Keramikk:
Elevane arbeider med modellering , lærer å bygge krukker og former i tradisjonelle teknikkar . Dei lærer også om glasering og brenning , og generelt om det keramiske handverket.
Dei som vil får anledning til å prøve den elektiske dreieskiva..
Animasjon:
Elevane lagar små animasjonsfilmar ut i frå eigne idéar og med sjølvproduserte verkemiddel, Som regel er dette samarbeid i små grupper og veldig sosialt.
Landskapskunst:
I løpet av eit semester vert det vanelgvis ei økt med landskapskunst, der ein skapar eit kunstverk av naturmaterial i nærmiljøet.
Gjennom visuelle kunstfag får eleven utvikle:
- Glede over det å skape, interesse for og kjennskap til visuelle kunstformer
- Observasjonsevne, som grunnlag for vidare arbeid og utvikling
- Konsentrasjonsevne
- Evnen til å uttrykke eigne idear
- Visuell uttrykksevne, fantasi, formsans og fargeforståelse
- Erfaringar med ulike material og teknikkar
- Erfaringar med profesjonell kunst som gjev kunnskap og inspirerer til eige skapande arbeid
- Kunnskap og erfaring om visuelle verkemiddel og uttrykksformer
Visuelle kunstfag har konsentrert skuleår der undervisninga går over 11 veker pr semester. Det betyr noko seinare oppstart og tidlegare avslutning enn dei andre disiplinane. Kvar undervisningsøkt er på to klokketimar.