Kartlegginga kjem til å gjeva grunnlag for å vurdera nye løysingar i tråd med Demensplan 2025 og planen «Eit godt liv der me bur» frå Kvam herad, inkludert mogleg betre samarbeid med frivillige. Med fleire eldre og færre yrkesaktive må me finne berekraftige ordningar som sikrar støtte til pårørande og tryggleik for personar med demens.
I fyrste fase skal me kartleggja behovet pårørande har for eit meir fleksibelt avlastingstilbod. Med fleksibel avlasting meiner me tilbod som er tilpassa dei konkrete behova til den einskilde.
Kartlegginga vert gjennomført gjennom:
- Prosjektgruppa, som inkluderer representantar frå heimetenesta, avlastingstilbod, dagaktivitetstilbod, frivilligsentralen, hukommelsesteamet og pårørande til personar med demens.
- Deltaking på pårørandekafé arrangert av Demensforeininga.
- Spørjeundersøking retta mot pårørande og andre som står nær heimebuande personar med demens.
Spørjeundersøkinga er aktiv no. Trykk deg inn på lenken under.
Til spørjeundersøkinga
Mål
Me skal kartleggja både behov for avlasting hjå dei pårørande og høve Kvam herad har for å tilby fleksible avlastingstilbod.
Målgruppe
Pårørande til heimebuande personar med demens.
Strategi
- Kartleggja behovet for fleksible avlastingstilbod mellom pårørande.
- Vurdera kva fleksible avlastingstilbod som er realistiske å tilby i Kvam.
- Identifisera potensielle samarbeidspartar og korleis dei kan bidra til å utvikla tilbodet.