Kven kan søkja?

Du kan søkja om parkeringsløyve for forflyttingshemma dersom:

• Du ikkje kan gå, eller har store vanskar med å bevega deg over noko lengd.
• Du har eit særskilt behov for parkeringslette
• Du kan søkja anten som førar av bil, eller som passasjer. Det må gå tydeleg fram av søknaden om du søkjer som førar eller passasjer.

Kriterie og vilkår

• parkeringsløyve er personleg og kan ikkje nyttast av andre enn kortinnehavaren.
• parkeringsløyve gjeld deg som person, ikkje bilen, og eigar av kortet må alltid vera med i bilen. 
• misbruk vil medføra inndraging av kortet og du risikerer å verta meld til politiet.
• løyve må innleverast dersom grunnlaget for tildelinga ikkje lenger er tilstades.
• løyve må og innleverast når kortet ikkje lenger er gyldig.
• kommunen kan trekkja tilbake parkeringsløyve ved misbruk eller endra forhold som gjer at vilkåra for parkeringsløyve ikkje lenger er oppfylt.

Slik søkjer du

Du kan søkja parkeringsløyve digitalt. Det er også mogleg å henta papirskjema hjå fastlegekontora og hos fellessekretariatet på Kvam rådhus. Søknaden skal innehalda:

• ferdig utfylt søknadsskjema. Søknaden MÅ innehalda adresser kor du parkerer og treng parkeringslette, samt kor ofte du parkerer her. Bruk skjemaet som ligg lenka til i denne artikkelen, eller digitalt skjema.
• legeerklæring
• kopi av gyldig førarkort om du søkjer som førar
• kopi av id-kort om du søkjer som passasjer
• bilde i passfotostørrelse

Dersom du fyller ut eit papirskjema skal dette sendast til fellessekretariatet på Rådhuset: Kvam herad, Grovagjelet 16, 5600 Norheimsund.

Kommunen innhentar eventuelt ekstra opplysningar dersom det er nødvendige for å vurdera søknaden.
Kommunen skal behandla saka så snart som mogleg. Om saka ikkje kan avgjerast innan ein månad, skal du ha skriftleg beskjed om grunnen til dette. 

Les meir om Retningslinjer til forskrift om parkeringstillatelse.

Lover og reglar

• Forvaltningslova
• Forskrift om parkering for forflytningshemma
• Parkeringsforskrifta

Klage

Er du misnøgd med vedtaket, kan du klaga til kommunen innan ein frist på tre veker fra du mottok det. Forklar kva du er misnøgd med og kvifor du meiner vedtaket bør endrast. Treng du rettleiing, kan du ta kontakt med kommunen. Opprettheld kommunen vedtaket, blir saka sendt vidare til kommunens interne  klagenemnd, som avgjer om klagen skal takast til fylgje.