Me er eit gratis og lovpålagt lågterskeltilbod for gravide, partnarar, barn og unge i alderen 0-20 år, samt deira familiar. Målet er å fremja god fysisk, psykisk og sosial helse, trivsel og meistring i kvardagen. Me jobber førebyggande gjennom faste helseundersøkingar, vaksinasjon, rettleiing og samtale. Hjå oss møter du helsepersonell som har teieplikt, og ingen spørsmål eller utfordringar er for små. Du kan ta kontakt med oss om alt frå svangerskap, foreldrerolle og utvikling, til trivsel på skulen, pubertet eller psykisk helse.